Atpadi Taluka gram panchayat reservation
आटपाडी : आटपाडी तालुक्यात एकूण 53 ग्रामपंचायती साठी सरपंचपदाची आरक्षण सोडत आज तहसीलदार सागर ढवळे आणि प्रशासकीय अधिकाऱ्यांच्या उपस्थितीत काढण्यात आली.17 गावात सर्वसाधारण तर 16 गावात स्त्री सर्वसाधारण आरक्षण पडले.
आटपाडी तालुक्यातील मानेवाडी, बाळेवाडी, पारेकरवाडी या गावात अनुसूचित जातीसाठी आरक्षण पडले आहे. लेंगरेवाडी,देशमुखवाडी आणि चिंचाळे अनुसूचित जातीसाठी स्त्री आरक्षण पडले आहे.तर खांजोडवाडी,कुरुंदवाडी, मुढेवाडी, बोंबेवाडी, पिंपरी बुद्रुक,उंबरगाव,बनपुरी गावांत नागरिकांचा मागास प्रवर्ग अर्थात ओबीसी आरक्षण पडले आहे. याच प्रवर्गात कानकात्रेवाडी, वाक्षेवाडी, य.पा.वाडी,तडवळे,तळेवाडी पुजारवाडी (दिघंची) आणि हिवतड या गावात स्त्री राखीव आरक्षण पडले आहे.
औटेवाडी, धावडवाडी,माळेवाडी,मासाळवाडी,पळसखेल,पिंपरी खु.,जांभुळणी, गळवेवाडी,विभुतवाडी, आवळाई, राजेवाडी,विठलापुर,झरे,निंबवडे खरसुंडी, घरनिंकी सर्वसाधारण स्त्री साठी तर पडळकरवाडी,मिटकी, पात्रेवाडी,आंबेवाडी,कामथ, काळेवाडी,पुजारवाडी (आ.),घाणंद, वलवण, माडगुळे,लिंगीवरे, कौठुळी,गोमेवाडी, नेलकरंजी, शेटफळे, करगणी आणि दिघंची सर्वसाधारण खुला गटासाठी सुटले आहे.