महादेव सरसंबे
रोहे : रोहा शहरासह तालुक्यातील ग्रामीण भागात रात्रभर जोरदार पाऊस पडला आहे. त्यामुळे नदी नाले तुडुंब भरून वाहू लागले आहेत. रात्रभर पडलेल्या पडलेल्या पावसामुळे सकाळी कामानिमित्ताने जाणाऱ्या कामगार वर्गांना पावसामुळे अडचणी निर्माण होत होत्या. पहाटेपासून पावसाचा जोर रोहा तालुक्यात कायम असल्याचे दिसून येत आहे.
रात्रभर पडलेल्या पावसामुळे कुंडलिका नदी तुडुंब भरून वाहू लागले आहे. कुंडलिका नदी भरून वाहू लागल्याने कुंडलिका नदीवरील रोहा अष्टमीला जोडणारा पूलाला पाणी लागल्याने या पुलावरील वाहतूक थांबवण्यात आली आहे. मोठ्या पुलावरून सध्या वाहतूक सुरू आहे.
रोहा शहरा नजीक असलेल्या भुवनेश्वर येथील भुवनेश्वर निवी रोडवर पाणी आले आहे. मोठ्या प्रमाणात येथील कालव्यातील पाणी रस्त्यावर आल्याचे चित्र दिसून येत आहे. त्यामुळे या मार्गावरील वाहतुकीस अडथळा निर्माण होत आहे. रोहा शहरासह तालुक्यातील ग्रामीण भागात रात्रभर पाऊस पडत आहे.दिवसभर असाच पाऊस राहिल्यास कुंडलिका नदीला पूर येण्याची शक्यता वर्तवण्यात येत आहे.
सध्या पावसाचा जोर वाढत असून कुंडलिका नदीच्या पाण्याची पातळीही सातत्याने वाढत आहे. त्यामुळे अत्यावश्यक कामाशिवाय कृपया घराबाहेर पडू नका आणि सुरक्षिततेला प्राधान्य द्या. घाबरून जाण्याचे कोणतेही कारण नाही. आपण सर्वांनी शांत राहून आवश्यक ती काळजी घ्यावी. मी, नगरपरिषदेचे सर्व नगरसेवक आणि प्रशासन पूर्णपणे सतर्क असून परिस्थितीवर सातत्याने लक्ष ठेवून आहोत. कोणत्याही परिस्थितीत आम्ही आपल्या सोबत आहोत.अधिकृत सूचनांचे पालन करा आणि स्वतःची तसेच आपल्या कुटुंबाची काळजी घ्या.वनश्री अवनी समीर शेडगे, (नगराध्यक्षा, रोहा-अष्टमी नगर परिषद)