महाड : महाड एमआयडीसी पोलीस ठाणे हद्दीमध्ये आकले गावच्या पाठीमागील बाजूस काळ नदीपात्रात एका बेटावर दोन तरुण फिरण्यासाठी गेले होते. यामध्ये आदिल शकील खान वय 27 रा. मधले आवड बिरवाडी व नशिमउल्ला यतिमउल्ला खान 32 रा. टेमघर मूळ रा. उत्तरप्रदेश अशी दोघांची नावे आहेत.
दोघेही संध्याकाळी ५ वाजता फिरण्यासाठी गेले होते अचानक बेटाच्या बाजूने नदीपत्रात पूर आल्याने दोघे जण पाण्याच्या प्रवाहात अडकले.
या घटनेची माहिती एमआयडीसी पोलिसांना समजतात त्यांनी तत्काळ स्थानिक पोलीस मदत आणि एनडीआरएफ पथक तसेच नौका विभाग पथक, आपत्ती व्यवस्थापन टीम महाड, फायर ब्रिगेड टीम एमआयडीसी यांच्या मदतीने या तरुणांचे रेस्क्यू करून त्यांना पाण्याच्या बाहेर सुखरूप काढले. त्यांना त्यांच्या नातेवाईकांच्या ताब्यात देण्यात आले आहे.
सध्या पावसाळ्याचे दिवस सुरू असून नागरिकांनी नदीपात्र किंवा धबधबे अशा ठिकाणी जाताना सुरक्षेचा उपाय म्हणून काळजी घ्यावी, असे आवाहन एमआयडीसी पोलिसांकडून करण्यात आले आहे.