महाड : माझी वसुंधरा अभियान 5.0 अंतर्गत उच्चतम कामगिरी करणाऱ्या स्थानिक स्वराज्य संस्थांचा निकाल “पर्यावरण व वातावरणीय बदल विभाग महाराष्ट्र शासन “यांच्यामार्फत 17 फेब्रुवारी 2026 रोजी जाहीर करण्यात आला यामध्ये महाड परिषदेने कोकण विभागामध्ये सर्वोत्तम कामगिरी करून प्रथम क्रमांक पटकाविला असून 75 लाखांचे प्रथम पारितोषिक नगर परिषदेस प्राप्त झाले आहे.
माझी वसुंधरा अभियान 5.0 अभियान कालावधीमध्ये केलेल्या कामाचे डेस्कटॉप मूल्यमापन व फील्ड मूल्यमापन करण्यात आले. यामध्ये 25 हजार ते 40 हजार लोकसंख्या असलेल्या नगरपरिषदेच्या गटांमध्ये कोकण विभागात महानगर परिषदेने अव्वल क्रमांक प्राप्त केला. घनकचरा व्यवस्थापन, वृक्षारोपण, अक्षय ऊर्जा स्त्रोतांचा वापर, स्वच्छता उपक्रम ,जनजागृती यामध्ये महाड नगर परिषदेने अतिशय उत्तम कामगिरी केली आहे.
चालू वर्षी सलग तिसऱ्या वर्षी महाड नगर परिषदेने या अभियाना अंतर्गत प्राप्त केलेल्या पारितोषकामुळे महाड मधील पर्यावरण प्रेमी संस्था तसेच नागरिकांकडून परिषद व प्रशासनाचे अभिनंदन करण्यात येत आहे.
महाड नगर परिषदेने यापूर्वी माझी वसुंधरा अभियान 3.0 मध्ये कोकण विभागात भूमी या थिमॅटिक मध्ये प्रथम क्रमांक पटकावून 1.50 कोटी रुपयांचे पारितोषिक प्राप्त केले असून माजी वसुंधरा अभियान 4.0 मध्ये देखील कोकण विभागात अव्वल क्रमांक पटकावून 75 लक्ष रुपयांचे प्रथम पारितोषिक प्राप्त केले होते.