Bharat Taxi Service  pudhari photo
रायगड

Bharat Taxi Service : ओला-उबरला पर्याय ठरणार केंद्राची भारत टॅक्सी; जाणून घ्या वैशिष्ट्ये

सहकारातून प्रवासी वाहतुकीचा पर्याय

पुढारी वृत्तसेवा

मुंबई आणि पुण्यात केंद्र सरकारची भारत टॅक्सी सेवा सुरू झाली आहे. लवकरच कोल्हापूर, नागपूर, सोलापूर, नाशिकमध्येही सुरू होईल. जाणून घेऊया या टॅक्सीबद्दल...

स्थापना : ६ जून २०२५ रोजी 'सहकार टॅक्सी को-ऑपरेटिव्ह लिमिटेड'ची स्थापना. ५ फेब्रुवारी २०२६ रोजी भारत टॅक्सीचे अधिकृत लोकार्पण.

कोणाच्या अखत्यारीत ? : केंद्रीय सहकार मंत्रालयाच्या सहकार्याने कार्यरत असलेली बहुराज्यीय सहकारी संस्था.

चालकच मालक : चालकांना 'सारथी' म्हणून सहकारी संस्थेचे सभासद आणि भागधारक होता येते. संस्थेच्या व्यवस्थापनात प्रतिनिधित्व आणि नफ्यात सहभागाची संधी.

झिरो कमिशन मॉडेल : प्रत्येक राईडच्या भाड्यातून खासगी अॅग्रीगेटरप्रमाणे कमिशन कपात नाही. चालकाला राईडचे संपूर्ण भाडे मिळते. संस्थेच्या अधिशेषाचे वाटप सभासदांना केले जाते.

प्रवाशांसाठी सुविधा : पारदर्शक भाडे, ऑनलाईन बुकिंग, वाहनाचे रिअल टाईम ट्रॅकिंग, बहुभाषिक सुविधा आणि २४ तास ग्राहक सेवा.

महिलांसाठी विशेष सुविधा : 'सारथी दीदी' सुविधेद्वारे महिला प्रवाशांना महिला चालक निवडण्याचा पर्याय. एसओएस आणि लाईव्ह लोकेशन ट्रॅकिंगसारख्या सुरक्षा सुविधा.

कोणत्या शहरांत सेवा ? : १२ ऑगस्ट २०२६ च्या केंद्र सरकारच्या माहितीनुसार दिल्ली-एनसीआर, गुजरात, महाराष्ट्र आणि राजस्थानमध्ये सेवा सुरू. मुंबई आणि पुणे यांचाही समावेश.

नोंदणीची आकडेवारी : ४ ऑगस्ट २०२६ पर्यंत ८.४८ लाख चालक आणि ४४. २७ लाख ग्राहकांची नोंदणी.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.

SCROLL FOR NEXT