Minor Girl Assault Case
पुणे : शाळकरी अल्पवयीन मुलीवर अत्याचार करणार्या करणार्या खासगी क्लासच्या शिक्षकाला विशेष न्यायालयाने 20 वर्ष सक्तमजुरीची शिक्षा सुनावली. संजय रमेश शर्मा (वय 56, रा. राधिका एम्पायर, जगतापनगर, वानवडी) असे शिक्षा सुनावलेल्या शिकवणी चालकाचे नाव आहे. शाळकरी मुलगी शर्मा याच्याकडे क्लासला जायची. 3 ऑगस्ट ते 29 सप्टेंबर 2021 या कालावधीत शर्माने शाळकरी मुलीला धमकाविले. मुलीच्या बहिणीला जीवे मारण्याची धमकी देऊन त्याने तिच्यावर अत्याचार केले.
अत्याचारामुळे घाबरलेल्या मुलीने या घटनेची माहिती कुटुंबीयांना दिली. याबाबत वानवडी पोलीस ठाण्यात फिर्याद देण्यात आली, शर्मा याच्याविरुद्ध बालकांचे लैंगिंक अत्याचारांपासून संरक्षण कायद्यान्वये (पोक्सो) गुन्हा दाखल करण्यात आला. या प्रकरणाचा तपास तत्कालिन पोलीस उपनिरीक्षक सुधा चौधरी यांनी करुन शर्मा याच्याविरुद्ध न्यायालयात आरोपपत्र दाखल केले.
सरकार पक्षाकडून सरकारी धे यांनी बाजू मांडली. आरोपी शर्माने केलेला गुन्हा गंभीर स्वरुपाचा असून, शिक्षकी पेशाला काळीमा फासणार आहे. त्याला जास्तीत जास्त शिक्षा सुनावण्यात यावी, अशी विनंती सरकारी वकील कोंधे यांनी युक्तिवादात केली. पीडित मुलीची साक्ष, तसेच पुरावे ग्राह्य धरून न्यायालयाने शर्मा याला 20 वर्ष सक्तमजुरी आणि 37 हजार रुपयांचा दंड ठोठाविण्यात आला. पोलिस उपायुक्त डॉ. राजकुमार शिंदे यांच्या मार्गदर्शनाखाली न्यायालयीन कामकाज पार पाडण्यात आले. दिनेश जाधव यांनी न्यायालयीन कामकाजात सहाय केले.