पुणे: पुणे विमानतळावर नुकताच पुणे-बागडोगरा थेट विमानसेवेचा शुभारंभ नुकताच पार पडला. या नवीन सुविधेमुळे आता दार्जिलिंग आणि गंगटोक, यांसारख्या प्रसिद्ध पर्यटनस्थळांकडे जाणे अधिक सुलभ आणि वेगवान झाले असून, पुण्याची देशांतर्गत पर्यटन कनेक्टिव्हिटीही आणखी भक्कम होणार आहे.
पुणे विमानतळावरून ही विमानसेवा संचालित केली जात आहे. त्यामुळे ईशान्य भारतातील विविध पर्यटनस्थळाच्या कनेक्टिव्हिटीसाठी प्रवाशांना आता कनेक्टिव्हिटीसाठी मोठ्या शहरांमध्ये थांबण्याची गरज उरणार नाही. विमान क्र. 1248/1249 ची सेवा मंगळवार आणि शनिवार वगळता आठवड्यातील इतर सर्व दिवस सुरू राहील. हे विमान पुण्यात दुपारी 12:25 वाजता दाखल होईल, तर परतीसाठी दुपारी 1:15 वाजता उड्डाण करेल.
पूर्वेकडील ऑक्सफर्ड म्हणून ओळखले जाणारे पुणे हे शिक्षण, आयटी आणि संस्कृतीचे केंद्र आहे. तर दुसरीकडे बागडोगरा हे पश्चिम बंगाल आणि ईशान्य भारताचे प्रवेशद्वार मानले जाते. या थेट सेवेमुळे पुण्यातील हजारो विद्यार्थी आणि आयटी व्यावसायिकांना थेट ईशान्य भारताशी जोडले जाण्याची संधी मिळणार आहे. तसेच, या विमानसेवेमुळे फक्त पर्यटनालाच नव्हे, तर व्यापार आणि सांस्कृतिक देवाणघेवाणीलाही मोठी चालना मिळेल.संतोष ढोके, संचालक, पुणे विमानतळ