पिंपरी : पुढारी वृत्तसेवा : पिंपरी-चिंचवड शहरात कोरोनाबाधित 20 नव्या रुग्णांची नोंद रविवारी (दि.3) झाली. तर, 13 रुग्णांनी कोरोनावर मात केली. शहरात सद्यस्थितीत एकूण 80 सक्रिय रुग्ण आहेत.
रुग्णालयात 2 रुग्ण उपचार घेत असून 78 रुग्ण होम क्वारंटाइन आहेत. आज 760 जणांची कोरोना चाचणी करण्यात आली. तर, 1 हजार 401 नागरिकांना कोरोना प्रतिबंधक लसीचा डोस देण्यात आला.
पालिकेच्या पथकाने 71 घरांना भेटी देऊन 155 नागरिकांचे सर्वेक्षण केले. शहरात 5 मेजर व 294 मायक्रो कन्टेन्मेट झोन शिल्लक आहेत.