Pune Politics: पर्वती विधानसभा मतदारसंघातून महाविकास आघाडीच्या उमेदवार अश्विनी कदम यांनीही मोठ्या प्रमाणात शक्तिप्रदर्शन करत उमेदवारी अर्ज दाखल केला. रण्येश्वर चौक, पर्वती या ठिकाणावरून भव्य रॅलीचे आयोजन करून निवडणूक प्रचाराचा नारळ फोडला.
या वेळी काँग्रेस पक्षाचे नेते अभय छाजेड, राष्ट्रवादी काँग्रेस शरदचंद्र पवार पक्षाचे अंकुश काकडे, शिवसेना उद्धव बाळासाहेब ठाकरे पक्षाचे शहराध्यक्ष संजय मोरे, माजी नगरसेवक अशोक हरणावळ यांच्या उपस्थितीत कदम यांनी आपला उमेदवारी अर्ज दाखल केला. सुरुवातीला छत्रपती शिवाजी महाराज यांच्या मार्केट यार्डमधील पुतळ्याला पुष्पहार अर्पण करण्यात आला.
क्रांतिज्योती सावित्रीबाई फुले, घटनेचे शिल्पकार डॉ. बाबासाहेब आंबेडकर, साहित्यरत्न अण्णा भाऊ साठे आदी महामानवांच्या पुतळ्याला पुष्पहर अर्पण करून अभिवादन करण्यात आले. याप्रसंगी माजी खासदार वंदना चव्हाण, शिवसेना शहरप्रमुख गजानन थरकुडे, आमदार रवींद्र धंगेकर, भगवान सांळुखे, बाळासाहेब अटल आदी मान्यवर उपस्थित होते. अश्विनी कदम म्हणाल्या, पर्वतीकरांनी आमदार म्हणून सेवा करण्याचे संधी द्यावी. संपूर्ण पुणे शहराला हेवा वाटेल असा पर्वती मतदारसंघ निर्माण करणार आहे.