पुणे: सीबीआय, ईडी अधिकारी बोलत असल्याची बतावणी करत मनी लॉन्ड्रींगचा धाक आणि अटकेची भीती दाखवून सायबर ठगांनी खराडीतील ज्येष्ठाकडून 26 लाख 50 हजार रुपये उकळल्याचा प्रकार समोर आला आहे.
याप्रकरणी, 65 वर्षीय व्यक्तीने खराडी पोलिस ठाण्यात फिर्याद दिली आहे. त्यानुसार पोलिसांनी सायबर ठगांच्या विरुद्ध आयटी अॅक्टनुसार फसवणुकीचा गुन्हा दाखल केला आहे. 22 जून ते 9 जुलै या कालावधीत हा प्रकार घडला आहे. (Latest Pune News)
सायबर ठगांनी व्हॉटस्अॅपद्वारे फिर्यादींशी संपर्क साधला. त्यांना व्हिडीओ कॉल करून आपण सीबीआय आणि ईडीचे अधिकारी असल्याची बतावणी केली. तुमच्या विरुद्ध मनीलॉन्ड्रींगचा गुन्हा दाखल झाला आहे. तुमच्या आधारकार्डचा आणि काही कागदपत्रांचा त्यामध्ये वापर झाला आहे. तुम्हाला अटक होऊ शकते, अशी भीती फिर्यादींना दाखविली. पुढील तपास खराडी पोलिस करत आहेत.