चाकण : खेड कृषी उत्पन्न बाजार समितीच्या चाकण येथील महात्मा फुले मार्केट यार्डमध्ये कांदा, दोडका, हिरवी मिरची व वाटाण्याची मोठी आवक झाली. येथील पालेभाज्यांच्या बाजारात मेथी व पालक भाजीची भरपूर आवक होऊनही भाव कडाडले. राजगुरुनगर येथील मुख्य बाजारात फरशी, कारली, रताळी, वांगी, फ्लॉवर, काकडी, भोपळा, टोमॅटो व वालवड यांची उच्चांकी आवक झाली. एकूण उलाढाल 5 कोटी 10 लाख रुपये झाली.
चाकण येथील बाजारात कांद्याची एकूण 1 हजार 500 क्विंटल आवक झाली. गेल्या शनिवारच्या तुलनेत ही आवक 400 क्विंटलने वाढल्याने भावात 100 रुपयांची घट झाली. कांद्याचा कमाल भाव 1500 रुपयांवरून 1400 रुपयांवर स्थिरावला. बटाट्याची एकूण आवक 1250 क्विंटल झाली. गेल्या शनिवारच्या तुलनेत बटाट्याची आवक 150 क्विंटलने घटल्याने भावात 200 रुपयांची वाढ झाली. बटाट्याचा कमाल भाव 2000 रुपयांवरून 2200 रुपयांवर पोहोचला.
लसणाची एकूण आवक 35 क्विंटल झाली. गेल्या शनिवारच्या तुलनेत ही आवक 5 क्विंटलने घटूनही लसणाचा कमाल भाव 8000 रुपयांवर स्थिरावला. हिरव्या मिरचीची एकूण आवक 395 क्विंटल झाली. हिरव्या मिरचीला 2 हजार 500 रुपयांपासून 3 हजार 500 रुपयांपर्यंत भाव मिळाला.
कांदा : एकूण आवक- 1500 क्विंटल. भाव क्र. 1- 1400 रुपये, भाव क्र. 2- 1200 रुपये, भाव क्र. 3- 800. बटाटा : एकूण आवक- 1250 क्विंटल. भाव क्र. 1 - 2200 रुपये, भाव क्र. 2- 1500 रुपये, भाव क्र. 3- 1000 रुपये.
फळभाज्या : फळभाज्यांची एकूण आवक क्विंटलमध्ये व प्रतिदहा किलोंसाठी मिळालेले भाव (रुपयांत) : टोमॅटो- 209 क्विंटल (3000 ते 4000), कोबी - 170 क्विंटल (1800 ते 2400), फ्लॉवर- 195 क्विंटल (2000 ते 3000), वांगी- 70 क्विंटल (6000 ते 7000), भेंडी- 72 क्विंटल (6000 ते 8000), दोडका- 48 क्विंटल (5000 ते 7000), कारली - 42 क्विंटल (6000 ते 7000), दुधीभोपळा- 24 क्विंटल (2000 ते 4000), काकडी- 68 क्विंटल (2000 ते 3000), फरशी- 28 क्विंटल (4000 ते 6000), वालवड- 42 क्विंटल (5000 ते 7000), ढोबळी मिरची- 130 क्विंटल (4000 ते 7000), चवळी- 32 क्विंटल (5000 ते 6000), वाटाणा- 210 क्विंटल (7000 ते 9000), गाजर- 125 क्विंटल (2000 ते 3000), गवार- 24 क्विंटल (10000 ते 12000), आद्रक- 175 क्विंटल (4000 ते 5000).
पालेभाज्यांची एकूण आवक जुड्यांमध्ये व मिळालेला दर (रुपयांत) : मेथी- एकूण 19 हजार 557 जुड्या (1600 ते 2200), कोथिंबीर- एकूण 47 हजार 423 जुड्या (800 ते 1200), शेपू- एकूण 4 हजार 508 जुड्या (2000 ते 2500), पालक- एकूण 5 हजार 77 जुड्या (800 ते 1200).
चाकण येथील जनावरांच्या बाजारात विक्रीसाठी आलेल्या 70 जर्सी गायींपैकी 62 गायींची विक्री झाली. त्यांना 15 ते 70 हजार रुपये भाव मिळाला. 70 बैलांपैकी 65 बैलांची विक्री झाली. या बैलांना 10 ते 40 हजार रुपये भाव मिळाला. 220 म्हशींपैकी 210 म्हशींची विक्री झाली. या म्हशींची 30 ते 80 हजार रुपयांत विक्री झाली. 7400 शेळ्या- मेंढ्यापैकी 7 हजार 200 शेळ्यांची विक्री झाली. त्यांना 2 ते 15 हजार रुपयांपर्यंत भाव मिळाला.