पुणे: बंगालच्या उपसागरात आठवड्यात दुसरे चक्रीवादळ तयार होणार असून त्याचे नाव ‘मुरासू’ असे ठेवले जाण्याची शक्यता आहे. रविवारी (दि. १ नोव्हेंबर) ते बंगालच्या उपसागरात तयार होईल. त्यानंतर सोमवारी ते आंध्र प्रदेश किनारपट्टीवर धडकणार आहे. महाराष्ट्रात सर्वत्र ५ नाव्हेंबरपर्यंत हलक्या पावसाचा अंदाज वर्तवण्यात आला आहे.
बंगालच्या उपसागरात नुकतेच ‘अर्णब’ नावाचे चक्रीवादळ येऊन गेले. ते शांत होत नाही, तोच सात दिवसांच्या आतच ‘मुरासू’ नावाचे चक्रीवादळ तयार होत आहे. मुरासू हे संभाव्य नाव श्रीलंकेच्या यादीतील असून भारतीय हवामान विभागाने याला अजून पुष्टी दिलेली नाही. २ नोव्हेंबर रोजी किनारपट्टीवरील आंध्र प्रदेशमध्ये मुसळधार ते अतिमुसळधार पावसाची शक्यता आहे.