पौड : अंबडवेट (ता. मुळशी) पंचायत समिती गणात राष्ट्रवादी काँग््रेासचे उमेदवार प्रवीण धनवे विजयी झाले असून, त्यांना पाठिंबा देणारे संतोष पेरणेकर हे या विजयात किंगमेकर ठरले आहेत.
अंबडवेट गणात राष्ट्रवादी काँग््रेास पक्षाकडून जनकल्याण युवा फाऊंडेशनचे संस्थापक अध्यक्ष संतोष पेरणेकर, दारवलीचे माजी उपसरपंच प्रवीण धनवे यांच्यासह सात ते आठ जण निवडणूक लढवण्यासाठी तीव इच्छूक होते; मात्र, उमेदवारी अर्ज भरण्याच्या शेवटच्या दिवशी संतोष पेरणेकर यांनी प्रवीण धनवे यांना आपला जाहीर पाठिंबा दर्शविला. यामुळे दोन तीव इच्छुक एकत्र आल्याने प्रवीण धनवे यांना राष्ट्रवादी काँग््रेास पक्षाकडून पक्षाचा एबी फॉर्म देण्यात आला.
यानंतर प्रचारतही धनवे आणि पेरणेकर या जोडगोळीने मोठी आघाडी घेत घरोघरी भेटी दिल्या, तसेच आमदार शंकर मांडेकर, राष्ट्रवादी युवक काँग््रेासचे अध्यक्ष सुखदेव मांडेकर यांचीही प्रचारात धनवे यांना मोठी मदत मिळाली. धनवे यांनी 8 हजार 547 एवढी मते घेत तब्बल 1 हजार 776 मतांनी विजयी मिळविला. यामुळे माघार घेत धनवे यांना दिलेल्या पाठिंब्याने संतोष पेरणेकर धनवेंच्या विजयात किंगमेकर ठरले आहेत.