भवानीनगर : श्री छत्रपती सहकारी साखर कारखान्याच्या संचालक मंडळाच्या पंचवार्षिक निवडणुकीसाठी अनेक राजकीय घडामोडीनंतर उपमुख्यमंत्री अजित पवार आणि पृथ्वीराज जाचक यांचे सूर जमले असून सर्वपक्षीय श्री जय भवानी माता पॅनल जाहीर करण्यात आला आहे. सर्वपक्षीय पॅनल जाहीर करण्यासाठी मागील तीन-चार दिवसापासून राजकीय घडामोडी सुरू होत्या उपमुख्यमंत्री अजित पवार, क्रीडामंत्री दत्तात्रय भरणे, साखर संघाचे माजी अध्यक्ष पृथ्वीराज जाचक यांच्यामध्ये पॅनलच्या जागा वाटपावरून राजकीय नाट्य सुरु होते.
गुरुवारी संध्याकाळी पवार भरणे व जाचक यांची बैठक झाल्यानंतर पॅनलच्या जागा निश्चित करण्यात आल्या व शुक्रवारी सकाळी १० वाजता श्री जय भवानी माता पॅनल जाहीर करण्यात आले. श्री जय भवानी माता पॅनल मधून लासुर्णे या गट क्रमांक एक मधून पृथ्वीराज साहेबराव जाचक, जामदार शरद शिवाजी यांना उमेदवारी जाहीर करण्यात आली आहे. सणसर गट क्रमांक दोन मधून निंबाळकर रामचंद्र विनायक व निंबाळकर शिवाजी रामराव यांना उमेदवारी जाहीर करण्यात आली आहे.
उद्धट या गट क्रमांक तीन मधून घोलप पृथ्वीराज श्रीनिवास व कदम गणपत सोपान यांना उमेदवारी जाहीर करण्यात आली आहे. अंथुर्णे या गट क्रमांक चार मधून शिंगाडे विठ्ठल पांडुरंग दराडे प्रशांत दासा नरुटे अजित हरिश्चंद्र यांना उमेदवारी जाहीर करण्यात आली आहे. सोनगाव या गट क्रमांक पाच मधून अनिल सिताराम काटे बाळासाहेब बापूराव कोळेकर व संतोष शिवाजी मासाळ यांना उमेदवारी जाहीर करण्यात आली आहे. गुणवडी या गट क्रमांक सहा मधून कैलास रामचंद्र गावडे सतीश बापूराव देवकाते व निलेश दत्तात्रय टिळेकर यांना उमेदवारी जाहीर करण्यात आली आहे.
ब वर्ग सहकारी उत्पादक बिगर उत्पादक संस्था यामधून पाटील अशोक संभाजीराव यांना उमेदवारी जाहीर करण्यात आली आहे. अनुसूचित जाती जमाती या प्रवर्गामधून मंथन बबनराव कांबळे यांना उमेदवारी जाहीर करण्यात आली आहे. महिला राखीव प्रतिनिधी प्रवर्गातून सौ राजपुरे माधुरी सागर व सौ सपकळ सुचिता सचिन यांना उमेदवारी जाहीर करण्यात आली आहे. इतर मागास प्रवर्गातून शिंदे तानाजी ज्ञानदेव व भटक्या विमुक्त जाती व जमाती विशेष मागास प्रवर्गातून डॉ श्री पाटील योगेश बाबासाहेब यांना उमेदवारी जाहीर करण्यात आले आहे.