नाशिक : पुढारी वृत्तसेवा
तवली फाटा येथील एका घराच्या खिडकीचे गज कापून चोरट्याने सुमारे सव्वा लाखांचा ऐवज लंपास केला आहे. पांडुरंग चिमणा कामडी (६३, रा. समर्थ नगर, तवली फाटा) यांनी दिलेल्या फिर्यादीनुसार, चोरट्याने १२ ते १३ डिसेंबर दरम्यान, खिडकीचे गज कापून घरात शिरला. घरातील कपाटात ठेवलेले सुमारे ४५ ग्रॅम वजनाचे सोन्याचे तर ११ हजार ७०० रुपयांचे चांदीचे दागिने व एक हजार रुपयांचे दोन गॅस सिलींडर असा १ लाख २१ हजार ४५० रुपयांचा ऐवज चोरट्याने लंपास केला. याप्रकरणी म्हसरुळ पोलिस ठाण्यात घरफोडीचा गुन्हा दाखल करण्यात आला आहे.