नाशिक (सिन्नर) : तालुक्यातील गोंदे शिवारात शेततळ्यात बुडून एका मुलाचा मृत्यू झाल्याची दुर्दैवी घटना घडली. कृष्णा अर्जुन तांबे (15) असे मृत मुलाचे नाव आहे.
कृष्णा मित्रांसोबत दुपारी सोमनाथ येबाजी सोनवणे यांच्या शेत गट नं. 788 मधील शेततळ्यात पोहण्यासाठी गेला होता. मात्र, पाण्यात बुडून त्याचा मृत्यू झाला. मित्रांनी आरडाओरड करून मदत मागितली. ग्रामस्थांच्या मदतीने कृष्णाला पाण्यातून बाहेर काढून सिन्नर ग्रामीण रुग्णालयात दाखल केले. डॉक्टरांनी तपासून मृत घोषित केले. या प्रकरणी संजय निवृत्ती तांबे यांच्या खबरीवरून नांदूरशिंगोटे पोलिस दूरक्षेत्रात अकस्मात मृत्यूची नोंद करण्यात आली.