जळगाव, पुढारी वृत्तसेवा : वाळूची वाहतूक सुरू ठेवण्यासाठी ८ हजाराची लाच घेताना बोदवड तहसीलदारासह चार जणांना रंगेहाथ ताब्यात घेण्यात आले. ही कारवाई लाचलुचपत प्रतिबंधक विभागाच्या पथकाने आज (शुक्रवार) केली. या कारवाईमुळे महसूल विभागात मोठी खळबळ उडाली आहे.
याबाबत माहिती अशी की, तक्रारदार यांचा वाळू वाहतुकीचा व्यवसाय आहे. त्यांच्याकडे वाळूची वाहतूक सुरू ठेवण्यासाठी तहसीलदाराने आठ हजाराची मागणी केली होती. त्यानुसार तक्रारदार यांनी जळगाव लाचलुचपत विभागाकडे तक्रार दिली होती. तक्रारीची पडताळणी करण्यासाठी जळगावच्या लाचलुचपत विभागाने आज सापळा रचला होता. यावेळी बोदवडचे तहसीलदार योगेश टोणपे यांच्यासह तलाठी, त्यांचा वाहन चालक आणि एका खासगी पंटरला लाचलुचपतच्या पथकाने लाच घेताना रंगेहात पकडले. या कारवाईमुळे महसूल विभागात मोठी खळबळ उडाली आहे. दरम्यान, अवैधरित्या वाळूची वाहतूक सुरू ठेवण्यासाठी अतिरिक्त पैशांची मागणी केली जात असल्याचे समोर आले आहे.
हेही वाचलंत का ?