मविआमध्ये मनसे नको, असा सूर काँग्रेसच्या काही नेत्यांनी आळविण्यास सुरुवात केली आहे.
या भूमिकेवर शिवसेना ठाकरे गटाचे खासदार संजय राऊत यांनी तीव्र नाराज व्यक्त करत मित्र पक्ष काँग्रेसला फटकारले.
२०२९ मध्ये पंतप्रधानपदी नरेंद्र मोदी राहणार का, असा सवालही त्यांनी केला.
Sanjay Raut criticizes Congress
मुंबई : एकीकडे मत चोरीचा आरोप करत महाविकास आघाडीतसह मनसेने १ नोव्हेंब रोजी रस्त्यावर उतरण्याची घोषणा केली आहे. अशाच मविआमध्ये मनसे नको, असा सूर काँग्रेसच्या काही नेत्यांनी आळविण्यास सुरुवात केली आहे. या भूमिकेवर शिवसेना ठाकरे गटाचे खासदार संजय राऊत यांनी तीव्र नाराज व्यक्त करत मित्र पक्ष काँग्रेसलाच फटकारले.
संजय राऊत आज (23 ऑक्टोबर) पत्रकार परिषदेत बोलताना म्हणाले की, काँग्रेस आमचा महाविकास आघाडीतील मित्र पक्ष आहे. आता काँग्रेसने तो निर्णय घेतला असेल तर त्यांचा प्रश्न आहे. संयुक्त लढ्यासारखा वातावरण सध्या महाराष्ट्रात आहे. आम्हाला भारतीय जनता पार्टीचा पराभव करायचा आहे. ही लढाई लोकशाही वाचवण्यासाठी काँग्रेसने समजून घेतल पाहिजे.कोण काय बोलतात तेव्हा मी मत व्यक्त करणार नाही, असेही त्यांनी काँग्रेसला सुनावले.
महापौर पदाचा काय घेऊन बसला आहात. काँग्रेसची साथ सोडणार नाही असा प्रश्नच कुठे निर्माण झाला नाही. आम्हाला देशाचा पंतप्रधान काँग्रेस पक्षाच्या नेत्याला करायचे होते. आम्हाला राहुल गांधींना प्रधानमंत्री करायचं होतं, असेस्पष्ट करत आम्हाला काही अडचण असेल तर आम्ही राहुल गांधींशी व्यतिरिक्त काही चार प्रमुख नेते त्यांच्याशी बोलू, असेही राऊत यांनी स्पष्ट केले.
मुंबईतल्या प्रत्येक समाजातील माणूस हा आमच्या सोबत आहेत, असा दावा करत हा शेवटी मुंबईचा प्रश्न आहे. आमच्या ज्या चौकशा करायचे त्या करा, तुम्ही मुख्यमंत्री आहात, असे आव्हान देत २०२९9 पर्यंत नरेंद्र मोदी प्रधानमंत्री पदी राहतील का हा माझा प्रश्न आहे, असेही राऊत म्हणाले.
मुख्यमंत्री देवेंद्र फडणवीस यांना एकनाथ शिंदे आणि अजित पवार यांचा पक्ष फोडायचा आहे, या आरोपाचा पुन्नरुच्चार करत दोन दोन गुडघ्यावर बाशिंग बांधून देणाऱ्या शिंदे यांच्या स्वप्नावर पाणी फेरले, फडणवीसांना स्वयंभू राजकारण करायचा आहे. फडणवीसांना शिंदे यांचा बंदोबस्त करायला तयार आहे, असा आरोपही त्यांनी केला.
अलीकडच्या काळामध्ये भाजपमध्ये अंतर्गत संघर्ष ठीकठिकाणी उफाळून आला आहे. भाजपचे मंत्री मुरलीधर मोहोळ विरुद्ध भारतीय जनता पक्षातला एक गट असा संघर्ष सूरु आहे. धनगेकरांना मालमसाला पुरवणारे हात वेगळे आहेत. धनगेकर एक मोहरा आहे, असा दावाही राऊत यांनी केला.