मुंबई : उपमुख्यमंत्री एकनाथ शिंदे यांचे पुत्र खासदार श्रीकांत शिंदे यांना ‘माजी खासदार करण्याची’ धमकी देणारे भाजपचे नेते व वनमंत्री गणेश नाईक यांची शिवसेनेने एका व्यंगचित्रातून खिल्ली उडवली आहे. शिवसेनेने आपल्या अधिकृत सोशल मिडियावरून हेे व्यंगचित्र व्हायरल केले.
व्यंगचित्रात भाजपनेते व वनमंत्री गणेश नाईक हे त्यांच्यापेक्षा मोठ्या नेत्याला ‘माजी करून टाकेल’असे धमकावत आहेत. मात्र,त्याचवेळी गणेश नाईकांना त्यांचीच दोन मुले आवरण्याचा प्रयत्न करत असून ‘आपण दोनदा माजी झालात’ अशी आठवण करून देताना दिसतात. ‘माजी करण्याची भाषा करणाऱ्यांनाच माजीपणाची आठवण’ असा उपरोधिक संदेश शिवसेनेने या व्यंगचित्रातून दिल्याने राजकिय वर्तुळात चांगलीच चर्चा रंगली आहे.