नवी मुंबई: पुढारी वृत्तसेवा
नवी मुंबईतील छत्रपती शिवाजी महाराज रहिवाशी चाळ सेक्टर 1 ऐरोली मध्ये गोळीबाराची घटना सोमवारी रात्री बारा वाजण्याच्या सुमारास घडली. गोळीबार झाल्याची घटना घडली. या गोळीबारात अमित मोरया गंभीर जखमी झाले असून त्यांच्यावर मुलुंड मधील फोर्टिज रूग्णालयात उपचार करण्यात येत आहेत अशी माहिती पोलिसांनी दिली आहे.
गाडीत बसलेले संदीप गवस आणि अमित मोरया यांच्यावर अज्ञात व्यक्तीने गोळीबार केला. या गोळीबारच्या घटनेत अमित मोरया यांच्या मानेला गोळी लागल्याने ते रक्ताच्या थारोळ्यात पडले. त्यांची प्रकृतीत गंभीर असून त्यांना अमित मोरया यांना उपचारासाठी मुलुंड मधील फोर्टिज रूग्णालयात दाखल करण्यात आले आहे.
मोटार सायकल वरुन आलेल्या अज्ञात व्यक्तीने चार राऊंड फायर केले.अचानक झालेल्या गोळीबाराने परिसरात एकच खळबळ उडाली होती. सोमवारी रात्री साडेअकरा ते बारा वाजण्याच्या सुमारास ही घटना घडली.
संदीप गवस आणि अमित मोरया आरटीआय कार्यकर्ते असल्याचे सांगितले जात आहे .पोलिस सीसीटीव्ही कॅमेरा तपासून आरोपीचा शोध घेत आहेत. मात्र गोळीबाराच्या घटनेने नवी मुंबईत एकच खळबळ माजली. ज्या गाडीवर गोळीबार करण्यात आला. त्या गाडीवर शिंदे शिवसेना पक्षाचे चिन्ह लावण्यात आले होते.