मुंबई: मुंबई शहर आणि उपनगरांच्या तुलनेत नवी मुंबईत प्रदूषण अधिक असल्याचे हवा गुणवत्ता निर्देशांक (एक्यूआय) संकेतस्थळावर सांगण्यात आले आहे.
मुंबईचा सरासरी एक्यूआय हा शुक्रवारी 177 इतका होता. मात्र नवी मुंबईमध्ये (192) तो दोनशेच्या घरात कायम आहे. मुंबईत सर्वाधिक प्रदूषण हे वडाळा येथील भक्ती पार्क (198) परिसरात आढळून आले. त्यानंतर मालाड पश्चिम येथील मीठ चौकी (193) तसेच चेंबूर आणि पवई येथे हिरानंदानी गार्डनचा (191) नंबर लागतो.
नवी मुंबईमध्ये तीन ठिकाणी हवा गुणवत्ता निर्देशांक दोनशेपार आहे. त्यात सीबीडी बेलापूर (203) तसेच सेक्टर 8 (206) आणि सेक्टर 28 भागाचा (201) समावेश आहे. बेलापूरनंतर खारघर (191) आणि घणसोलीमध्ये (188) प्रदूषणात सातत्याने वाढ होत आहे. दोनशेहून अधिक एक्यूआय हा प्रदूषणाची आरोग्यासाठी अतिघातक हवेची कॅटेगरी आहे. मुंबई आणि नवी मुंबईला प्रदूषणाने वेढले असले तरीही नवी मुंबईजवळ असलेल्या ठाणे जिल्ह्यातील कौसा भागातील (मुंब्रा) शिमला पार्क येथे (240) प्रदूषणाने टोक गाठले आहे.
मुंबई एक्यूआय : 177
भक्ती पार्क (वडाळा) :198
मीठ चौकी (मालाड) :193
चेंबूर/हिरानंदानी गार्डन (पवई) :191
लोखंडवाला कॉम्प्लेक्स (अंधेरी) :190
बोरिवली (पश्चिम) :188
कन्नमवार नगर :187
नवी मुंबई एक्यूआय :192
सीबीडी बेलापूर :203
सेक्टर 8 :206
सेक्टर 28 : 201
खारघर :191
घणसोली : 188