Maharashtra IPS Officers Transfer
पुढारी ऑनलाईन डेस्क : राज्यातील एकूण 7 वरिष्ठ पोलिस अधिकाऱ्यांच्या बदल्यांचे आदेश जारी करण्यात आले आहेत. यामध्ये वरिष्ठ आयपीएस अधिकारी रविंद्र शिसवे, शारदा निकम, निस्सार तांबोळी, एन.डी. रेड्डी, सुप्रिया पाटील-यादव, राजीव जैन, अभिषेक त्रिमुखे यांचा समावेश आहे.
राज्यात नवीन सरकार सत्तेत आल्यापासून प्रशासनात मोठ्या प्रमाणात बदल्यांचा धडाका सुरू झाल्याचं दिसत आहे. आयएएस अधिकाऱ्यांच्या बदल्यानंतर आता आयपीएस अधिकाऱ्यांच्या बदल्यांचेही आदेश देण्यात आले आहेत.
रविंद्र शिसवे यांची बदली आता राज्याच्या गुप्तवार्ता विभागाच्या सहआयुक्तपदी करण्यात आली आहे. तर नागपूर शहराचे पोलिस सहआयुक्त निसार तांबोळी यांची बदली ही राज्य राखीव पोलिस दलाच्या महानिरीक्षकपदी करण्यात आली आहे. एन डी. रेड्डी. यांची बदली नागपूर शहराच्या सहआयुक्तपदी करण्यात आली आहे.
तसेच शारदा निकम यांची बदली अमली पदार्थ विरोधी टास्क फोर्सच्या विशेष पोलिस महानिरीक्षकपदी करण्यात आली आहे. सुप्रिया पाटील-यादव यांची बदली विशेष आस्थापना विभागाच्या पोलिस महानिरीक्षकपदी करण्यात आली आहे. राजीव जैन यांची सागरी सुरक्षा विशेष पोलिस महानिरीक्षकपदी बदली झाली आहे. तर अभिषेक त्रिमुखे प्रशासन विशेष पोलिस महानिरीक्षकपदी बदली करण्यात आली आहे.