मुंबई : मुंबई -3 जलवाहिनीवर अमर महल भूमिगत बोगद्याच्या 1 व 2 शाफ्टला जोडणाऱ्या 2500 मिलीमीटर व्यासाची जलवाहिनी छेद-जोडणीचे काम हाती घेण्यात येणार असल्याने 24 पैकी 11 विभागांत म्हणजे जवळजवळ निम्म्या मुंबईत 24 तास पाणीकपात केली जाणार आहे.
सोमवार 1 डिसेंबर सकाळी 10 ते मंगळवार 2 डिसेंबर दुपारी 4 वाजेपर्यंत पालिकेच्या शहर विभागातील ए, बी, सी, ई, एफ दक्षिण, एफ उत्तर विभाग आणि पूर्व उपनगरातील एम पूर्व, एम पश्चिम, एल, एस व एन विभागातील पाणीपुरवठ्यावर या कपातीचा परिणाम होईल.
या कालावधीत काही विभागांमध्ये कमी दाबाने पाणीपुरवठा होईल, तर काही विभागांमध्ये पूर्णपणे पाणीपुरवठा बंद राहील. तानसा धरणातून शहरातील सर्वात मोठ्या भांडूप जलशुध्दीकरण केंद्राला पाणीपुरवठा करणारी 2750 मिमी जलवाहिनी बदलण्याचे काम मुंबई महापालिकेतर्फे करण्यात येणार आहे.
याचा कुलाबा, चर्चगेट, फोर्ट, नेव्हीनगर, मरिन लाईन्स, चिरा बाजार, ठाकूरद्वार, भूलेश्वर, ग्रॅंट रोड, वाळकेश्वर, मलबार हिल, ताडदेव, हाजीअली, वरळी, प्रभादेवी, दादर पश्चिम, माहिम, धारावी, बांद्रा पूर्व, खार पूर्व, सांताक्रूझ पूर्व, वांद्रे पश्चिम, खार पश्चिम, सांताक्रूझ पश्चिम, अंधेरी पश्चिम, जोगेश्वरी पश्चिम, विलेपार्ले पश्चिम, गोरेगाव, मालाड मनोरी, मढ, कांदिवली, चारकोप, बोरिवली, कुर्ला, साकीनाका, चांदिवली, असाल्फा, भांडूप, पोवई,कांजूरमार्ग व विक्रोळी या भागातील पाणीपुरवठ्यावर परिणाम होणार आहे.
येथे होणार पाणीपुरवठ्यावर परिणाम
‘ए’ विभाग : 1 डिसेंबर कमी दाबाने पाणीपुरवठा व 2 डिसेंबर पाणीपुरवठा बंद)
बी’ विभाग : 2 डिसेंबर पाणीपुरवठा बंद
सी’ विभाग : 2 डिसेंबर पाणीपुरवठा बंद
‘ई’ विभाग : 1 डिसेंबर कमी दाबाने पाणीपुरवठा व 2 डिसेंबर पाणीपुरवठा बंद
जे. जे. रुग्णालय : 1 व 2 डिसेंबर कमी दाबाने पाणीपुरवठा
‘एफ उत्तर’ विभाग : 2 डिसेंबर
पाणीपुरवठा बंद
‘एफ दक्षिण’ विभाग : 1 डिसेंबर कमी दाबाने पाणीपुरवठा व 2 डिसेंबर पाणीपुरवठा बंद
‘एल’ विभाग : 1 डिसेंबर पाणीपुरवठा बंद व 2 डिसेंबर कमी दाबाने पाणीपुरवठा
‘एम पूर्व’ विभाग : 1 डिसेंबर पाणीपुरवठा बंद व 2 डिसेंबर कमी दाबाने पाणीपुरवठा)
बी. डी. पाटील मार्ग येथील रिफायनरी विभाग : 1 डिसेंबर पाणीपुरवठा बंद व 2 डिसेंबर कमी दाबाने पाणीपुरवठा.
टिळक नगर, ठक्कर बाप्पा वसाहत, पेस्तम सागर, शेल वसाहत, सहकार नगर, पी. एल. लोखंडे मार्ग, छेडा नगर, पी. वाय. थोरात मार्ग, मुकुंद नगर, नागेवाडी, महात्मा फुले नगर : 2 डिसेंबर कमी दाबाने
पाणीपुरवठा
एन’ विभाग : 1 डिसेंबर पाणीपुरवठा बंद व 2 डिसेंबर कमी दाबाने पाणीपुरवठा)
‘एस’ विभाग : 1 डिसेंबर पाणीपुरवठा बंद व 2 डिसेंबर कमी दाबाने पाणीपुरवठा