मुंबई: निवडणुकीत विजय मिळाला तर ईव्हीएम आणि निवडणूक आयोग योग्य. मात्र पराभव झाला की त्याच निवडणूक आयोगावर आणि ईव्हीएमवर आरोप करायचे, ही विरोधकांची दुटप्पी भूमिका आहे. विरोधकांचा रविवारचा मोर्चा गर्जना नसून कोल्हेकुई मोर्चा होता, अशा शब्दांत भाजप नेते, मंत्री आशिष शेलार यांनी विरोधकांवर निशाणा साधला.
ज्ञानेशकुमार निवडणूक आयुक्त झाल्यानंतर झालेल्या सहा निवडणुकांपैकी तीन ठिकाणी भाजप किंवा एनडीएला यश मिळाले, तर केरळ, तामिळनाडू आणि पुद्दुचेरी येथे बिगरभाजप पक्षांची सरकारे सत्तेवर आली.
पश्चिम बंगाल, बिहार आणि आसाममध्ये भाजपला यश मिळाले. त्यामुळे निवडणूक आयोग पक्षपाती असल्याचा आरोप म्हणजे लबाडी आहे. निवडणुकीतील पराभवाचे खापर निवडणूक आयोगावर फोडण्यापेक्षा जनतेचा कौल स्वीकारण्याची गरज आहे, असे शेलार यांनी सुनावले.