ताडकळस, पुढारी वृत्तसेवा : तू परभणीला चल, आपण दारु पिऊन मजा करु, असे म्हणून जबरदस्ती केली. त्यास नकार दिल्याने मानेवर, हातावर, पायावर, पाठीवर काठीने जबर मारहाण करून तरुणाचा खून केला. ही धक्कादायक घटना आज (दि.१३) सकाळी १० च्या सुमारास पिंगळी (ता. परभणी) येथे घडली. याप्रकरणी ताडकळस पोलीस ठाण्यात गुन्हा दाखल झाला आहे.
शेख गौस शेख मेहबूब (वय ३०, रा. पिंगळी, ता. परभणी) असे खून झालेल्या तरुणाचे नाव आहे. तर शेख समीर शेख नसीर (वय २५), शेख नसीर शेख मुसा (वय ४५, दोघे रा. पिंगळी, ता. परभणी, जि. परभणी) अशी संशयित आरोपींची नावे आहेत.
पुढील तपास ताडकळस पोलीस ठाण्याचे सहायक पोलिस निरीक्षक गजानन मोरे यांच्या मार्गदर्शनाखाली पोलीस उपनिरीक्षक शिवकात नागरगोजे, काठेवाडे करीत आहेत. घटनास्थळी अप्पर पोलीस अधीक्षक यशवंत काळे, उपविभागीय पोलिस अधिकारी चंद्रशेन देशमुख यांनी भेट दिली.