कौसडी; पुढारी वृत्तसेवा : जिंतूर तालुक्यातील कौसडी ग्रामपंचायतीच्या वार्ड क्रमांक – ६ मध्ये रिक्त झालेल्या एका जागेसाठी पोटनिवडणूक जाहीर झाली आहे. या जागेसाठी आज (दि.२) अखेरच्या दिवशी ८ उमेदवारांनी अर्ज दाखल केले आहेत.
सप्टेंबर २०२२ मध्ये झालेल्या ग्रामपंचायतीच्या निवडणुकीत वार्ड क्रमांक ६ मधून भाजपचे जाहेदाबी गफ्फार शेख निवडून आले होते. दरम्यान, ९ ऑक्टोंबररोजी त्यांचा मृत्यू झाला. त्यामुळे रिक्त झालेल्या वार्ड क्रमांक-६ मध्ये पोटनिवडणूक घेण्याचे निवडणूक आयोगाने जाहीर केले. या जागेसाठी १८ मेरोजी मतदान होणार आहे. तर १९ मेरोजी निकाल जाहीर होणार आहे.
भाजपकडून – २ राष्ट्रवादीकडून -१ काँग्रेसकडून-४ उद्धव ठाकरे गटाकडून -१ असे एकूण ८ उमेदवारांनी अर्ज दाखल केले आहेत. अर्ज छाननी ३ मेरोजी होणार आहे. अर्ज मागे घेण्याची मुदत ८ मेरोजी होणार आहे. दरम्यान, अर्ज माघारीनंतर या निवडणुकीचे चित्र स्पष्ट होणार आहे. तर इच्छुकांची संख्या पाहता ही निवडणूक अटीतटीची होण्याची शक्यता आहे.
हेही वाचा