माळाकोळी : पुढारी वृत्तसेवा
लोहा तालुक्यातील लिंबोटी येथील मनार प्रकल्प 100 टक्के भरले आहे. तसेच या धरण प्रकल्पामधून सध्या सहाशे क्युसेस पाण्याचा विसर्ग सुरू आहे. यामुळे मनार नदीकाठच्या गावासह शेतकऱ्यांना सावधानतेचा इशारा प्रशासनाने दिला आहे. अशी माहिती लिंबोटी धरणाचे शाखा अभियंता फुलारी यांनी दिली आहे.
सतत कोसळत असणाऱ्या मुसळधार पावसामुळे धरणामध्ये पाणी येण्याचा ओघ सुरु आहे. या बरोबरच भारतीय हवामान विभागाने 1 सप्टेंबर पासून 6 सप्टेंबर पर्यंत मुसळधार पाऊस असण्याची शक्यता वर्तवली आहे. यामुळे धरणात पाण्याचा प्रवाह सुरू असल्याने लिंबोटी धरणाचे शाखा अभियंता यांनी दोन दरवाजे व तीन वक्र दरवाजे उघडले असून यामुळे पाणी मोठ्या प्रमाणात कालव्याद्वारे मनार नदीतून सोडण्यात आले आहे. तसेच नदीकाठच्या गावांसह शेतातील पिकांना फटका याचा बसण्याची शक्यता आहे.