Vadod Tangda: Three Students Secure First Place in Talent Search Examination
पिंपळगाव रेणुकाई, पुढारी वृत्तसेवा :
भोकरदन तालुक्यातील केंद्रीय उच्च प्राथमिक शाळेतील विद्यार्थ्यांनी महाराष्ट्र प्रज्ञाशोध परीक्षेत घवघवीत यश संपादन केले आहे. राष्ट्रीय आर्थिक दुर्बल घटक या परीक्षेत नऊ विद्याथ्यपैिकी तीन विद्यार्थी उत्तीर्ण झाले आहे. यामुळे केंद्रीय उच्च प्राथमिक शाळेतील विद्यार्थ्यांचा ढोल ताशांच्या गजरामध्ये गावामधून भव्य मिरवणूक काढून विद्यार्थ्यांचा गौरव करण्यात आला.
वडोद तांगडा शाळेतील विद्यार्थ्यांना प्रथमच एवढे विद्यार्थी जिल्ह्यात व राज्यात झळकले असल्याने ग्रामस्थांमध्ये आनंदाचे वातावरण आहे. विद्यार्थ्यांच्या गौरव कार्यक्रमासाठी प्रमुख पाहुणे म्हणून डॉ. सी. आर. तांदूळजे, समाजसेवक वर्धमान वासकर, उपसरपंच नाना पाटील तांगडे, तुळशीराम तांगडे, पंढरीनाथ तांगडे, नारायण तांगडे, ओम दूध डेअरीचे संचालक गजानन तांगडे, शालेय समितीचे अध्यक्ष व सदस्य ग्रामपंचायत सदस्यांची उपस्थिती होती.
यावेळी मान्यवरांनी विद्यार्थ्यांना मार्गदर्शन केले. मुख्याध्यापक जे. वाय. सय्यद, केंद्रप्रमुख विलास पळसकर यांचीही यावेळी उपस्थिती होती. कार्यक्रमाचे सूत्रसंचालन आशिष पाटील यांनी तर आभार विलास पळसकर यांनी मानले. यावेळी शिक्षक, शिक्षिका, विद्यार्थी मोठ्या संख्येने उपस्थित होते.
विद्यार्थ्यांमध्ये आनंद
शाळेतील विद्यार्थ्यांना प्रोत्साहन म्हणून बारामती कॅटल फीड्स प्रायव्हेट लिमिटेड श्रीरामपूर येथील माधव बोरसे व श्री ट्रेडर्स सिल्लोड मॅनेजर कृष्णा हांडोले यांच्यातर्फे २४५ विद्यार्थ्यांना टिफिन बॉक्स व टिफिन देण्यात आले. यामुळे विद्यार्थ्यांमध्ये आनंदाचे वातावरण दिसून आले