Leopard terror in the Pithori Sirasgaon area
शहापूर, पुढारी वृत्तसेवाः अंबड तालुक्यातील पिठोरी सिरसगाव शिवारात बिबट्याने शेळीचा फडशा पाडल्याची घटना रविवार, दि.५ रोजी उघडकीस आली.
दरम्यान, पिठोरी सिरसगाव शिवारात बिबट्याचा वावर असल्यामुळे परीसरातील शेतकऱ्यांमध्ये भीतीचे वातावरण निर्माण झाले. यात भर म्हणजे रविवारी, दुपारी ४ वाजेच्या सुमारास बिबट्याने गट क्रमांक ८ मधील भोलेनाथ माने यांच्या शेतात बांधलेल्या शेळीचा फडशा पाडला. शेतकऱ्यांचे सुमारे २५ हजार रूपयांचे नुकसान झाले आहे.
सध्या खरीप हंगामातील लागवड व पेरणीची कामे सुरू असून, शेतकरी आपल्या कामात व्यस्त आहेत भर दुपारी झालेल्या बिबट्याच्या हल्ल्याने पिठोरी सिरसगाव येथील शेतकऱ्यांमध्ये प्रचंड भीतीचे वातावरण निर्माण झाले आहे. या घटनेची माहिती शेतकऱ्यां कडुन वनविभागाला देण्यात आली असुन वनविभागाने लवकरात लवकर बिबट्याचा बंदोबस्त करावा, अशी मागणी होत आहे.