Jalna Rotavator rotated on soybean crop
पिंपळगाव रेणुकाई, पुढारी वृत्तसेवा : भोकरदन तालुक्यातील पिंपळगाव रेणुकाई शिवारात सोयाबीनची दुबार करूनही सोयाबीन उगवले नसल्याने शेतकऱ्यांनी रोटोव्हेटर फिरवला आहे. या भागातील शेतकरी पावसाच्या प्रतीक्षेत असल्याचे दिसून येत आहे. पाऊस पडल्यास तिबार पेरणी करण्याची वेळ शेतकरी यांच्यावर आली आहे.
पिंपळगाव रेणुकाई परिसरामध्ये जून महिन्यामध्ये मोठ्या प्रमाणात सोयाबीनची पेरणी करण्यात आली होती. परंतु सुरुवातीपासूनच रिमझिम पाऊस झाला आहे. त्यामुळे शेतातील मका, कपाशी, उडीद, सोयाबीन आधी पिकांवर मोठ्या प्रमाणात विविध रोगानी हल्ला केला असल्यामुळे शेतकऱ्यांना आर्थिक व मानसिक तान निर्माण झाला आहे.
त्यामध्ये सुरुवातीला काही शेतकऱ्यांनी सोयाबीनची उगवनशक्ती न झाल्यामुळे परत सोयाबीन पेरणी केली होती. परंतु काही शेतकऱ्यांनी सोयाबीन उगम शक्ती झाल्यावर ही सोयाबीन शेतात ही पिवळी पडत असल्याने त्यावर रोटावेटर फिरवला आहे. अद्याप पर्यंत मोठा पाऊस झाला नसल्याने शेतकरी हवालदिन झाला आहे. सध्या पिंपळगाव रेणुकाई ही परिसरामध्ये मे महिन्यासाठी उन्हाचा पारा दिसत आहे. त्यामुळे परिसरात मोठ्या पावसाच्या प्रतीक्षेत शेतकरी दिसून येत आहे.
पाच एकर क्षेत्रावर सोयाबीनची दुबार पेरणी केली आहे. परंतु दोन्ही वेळेस उगणशक्ती न झाल्यामुळे परत एकदा त्यामध्ये रोटावेटर फिरविला आहे. त्यामुळे जवळपास ७० ते ८० हजार रुपयांचे आर्थिक नुकसान झाले आहे. तिसऱ्यांदा पेरणी करण्याची वेळ आली आहे.बाळू रावसाहेब देशमुख, शेतकरी
जून महिन्यामध्ये दोन एकर क्षेत्रावर सोयाबीन लागवड केली होती. परंतु त्या पिकांवर विविध प्रकारचा रोग आल्याने या सोयाबीनवर मला नाईलाजाने रोटावेटर फिरवावे लागले. यासाठी जवळपास पंधरा ते वीस हजार रुपये खर्च केले आहे. ते सर्व वाया गेले आहे. त्यामुळे आर्थिक अडचणीत सापडलो आहे. त्यामुळे शासनाने शेतकऱ्यांना आर्थिक मदत करावी.प्रकाश बोर्डे, शेतकरी