Cold weather enters the district after cloudy weather
जालना, पुढारी वृत्तसेवा : येत्या आठवड्यात जालना जिल्ह्याच्या हवामानात मोठे बदल होणार असून, नागरिकांना एकाच आठवड्यात दोन वेगवेगळ्या ऋतूंचा अनुभव येणार आहे. हवामान विभागाने वर्तवलेल्या अंदाजानुसार, येत्या ३० ऑक्टोबर ते ५ नोव्हेंबर दरम्यान जिल्ह्यात सुरुवातीला ढगाळ वातावरण आणि हलक्या पावसाची शक्यता आहे, तर आठवड्याच्या उत्तरार्धात थंडीचा कडाका वाढणार आहे.
या आठवड्यात जालन्याचे कमाल तापमान ३०° से ते ३३०° से आणि किमान तापमान १९०से ते २३० से दरम्यान राहण्याचा अंदाज आहे. ३१ ऑक्टोबर ते २ नोव्हेंबर दरम्यान जिल्ह्याच्या काही भागांत ढगाळ हवामानासह हलक्या पावसाची किंवा मेघगर्जनेची शक्यता आहे. त्यामुळे दिवाळीच्या ऐन दिवसांत नागरिकांना छत्री किंवा रेनकोट सोबत ठेवावा लागू शकतो. मात्र, हा बदल तात्पुरता असून ३ नोव्हेंबरपासून आकाश पुन्हा स्वच्छ होईल.
४ नोव्हेंबरनंतर हवामान पूर्णपणे कोरडे आणि स्वच्छ होणार असून रात्रीच्या तापमानात लक्षणीय घट होईल. किमान तापमान २०°C च्या खाली जाण्याची शक्यता असल्याने नोव्हेंबरच्या पहिल्याच आठवड्यात जालनेकरांना गुलाबी थंडीचा अनुभव मिळेल, असा अंदाज वर्तवण्यात येत आहे.