The impact of the volcano in Africa directly affects Sambhajinagar! A dark layer of fog covers the city in the morning
मुकेश चौधरी
छत्रपती संभाजीनगर : गेल्या दोन दिवसांपासून शहरावर एकदम गारठल्यासारखी पांढरी चादर पहाटेच्या सुमारास पसरल्याचे दिसून येत आहे. त्यावरून शहरवासीयांना हे धुके असल्याचे वाटत आहे. पसर-लेल्या अंधरामुळे मंदावलेले दिवे व कमी झालेली दृश्यमानता पाहून ङ्ग वाहनचालकांना हा थंडीचा परिणाम असेल, असे वाटत आहे. मात्र हवामान तज्ज्ञांच्या निरीक्षणाचे मत शहरावासीयांना दचकवणारे ठरणारे असून, ते धुके नसून ज्वालामुखीच्या राखेचे कण आहेत. आफ्रिकेतील इथिओपियातील हायली गुब्बी येथील ज्वालामुखीचा परिणाम थेट संभाजीनगरात शुक्रवारी (दि. २८) पहाटे दिसून आला.
आफ्रिकेतील इथिओपियातील हायली गुब्बीत १२ हजार वर्षांनी ज्वालामुखीचा भीषण उद्रेक झाला आहे. सोमवारी (दि. २४) प्रचंड मोठा विस्फोट झाला. त्याच्या राखेचे ढग वातावरणात १५ किमी उंचीवर झेपावले असून, उच्चस्तरीय वाऱ्याने ही राख भारताकडे ढकलली आहे. मुंबई, दिल्ली, अहमदाबाद, जयपूर आणि पंजाब या शहरांमध्ये त्याचा अधिक परिणाम जाणवला. त्यानंतर त्याचा परिणाम थेट संभाजीनगरमध्येही दिसून आला.
शहरातील जळगाव रोड, बीड बायपास, सातारा, उस्मानपुरा रोड, जालना रोड यासह सगळीकडे पहाटे ५ ते सकाळी ८ वाजेदरम्यान धुक्यासारखा गडद थर पसरला होता. त्यामुळे रस्ते, चौक, वायपास, गल्लीबोळ सगळीकडे हे पसरल्या असल्याने धुके असल्याचे वाटले. मात्र ही धुक्याचे थर नसून, आफ्रिकेतील ज्वालामुखीच्या लहरींचा स्पर्श आज पहाटे संभाजीनगर शहरात जाणवला, असा दावा हवामान तज्ज्ञांकडून करण्यात आला आहे.
सावधगिरी बाळगण्याचे आवाहन
डोळ्यात जळजळ वा घश्यात कोरडेपणा जाणवल्यास लगेच मास्क वापरा, दम्याचे रुग्ण व वृद्ध नागरिकांनी पहाटे व संध्याकाळी बाहेर पडणे टाळावे. हवा कडवट किंवा धुरकट भासल्यास बाहेरील काम कमी करा, सावधगिरी बाळगा, असे आवाहान आरोग्य तज्ज्ञांकडून करण्यात आले आहे.
ही स्थिती तात्पुरती अशा शहरातील आर्द्रता कमी, तापमान स्थिर तरीही अशी धुक्याची चादर बसणे अशक्य असून, या पांढऱ्या थराचा स्रोत हायली गुब्बी ज्वालामुखीच्या उद्रेकाची राख हवेत मिसळली गेली आहे. दोन दिवसांपूर्वी दिल्ली आणि उत्तर भारतात वातावरणात मोठ्याप्रमाणात धूळ दिसून आली होती. या धुळीचा तापमानावरही परिणाम दिसून आला. त्याचाच परिणाम आता आपल्या शहरातही दिसून येत आहे. आपल्याकडे सध्या थंडी सुरू आहे. मात्र ज्वालामुखीच्या राखेचे कण आपल्याकडील हवेत मिसळल्या गेल्याने दृश्यमानताही कमी झाली असून, दोन दिवसांपासून सूर्याच्या प्रखरतेवरही परिणाम झाल्याचे जाणवत आहे. ही स्थिती तात्पुरती असून, एक ते दोन दिवसांत हवेतील राखेचे कण कमी झाल्यानंतर परिस्थिती सामान्य होईल.श्रीनिवास औंधकर, -हवामान तज्ज्ञ, एमजीएम वेधशाळा