Sant Dnyaneshwar Mauli's palanquin departs for Pandharpur on the 17th
टाकळी अंबड, पुढारी वृत्तसेवा लाखो भाविकांचे श्रद्धास्थान असलेल्या पैठण तालुक्यातील श्रीक्षेत्र आपेगाव येथील संत ज्ञानेश्वर महाराजांची पालखी सो-हळा मंगळवारी (दि. १७) रोजी दुपारी ४ वाजता संत ज्ञानेश्वर महाराज मंदिरातून पंढरपूरकडे प्रस्थान करणार आहे.
संत ज्ञानेश्वर महाराज मंदिर संस्थानचे अध्यक्ष हभप गुरुवर्य ज्ञानेश्वर महाराज कोल्हापूरकर यांच्या मार्गदर्शनाखाली व दिंडी प्रमुख हभप भानुदास महाराज कोल्हापूरकर यांच्या नेतृत्वाखाली पालखी सोहळा निघणार आहे. १९ दिवसांच्या प्रवासानंतर ५ जुलै रोजी दिंडी सोहळा पंढरपुरात दाखल होईल. या पायी दिंडी सोहळ्यात मराठवाड्यासह पश्चिम महाराष्ट्रातील २००० भाविक सहभागी होणार आहेत. प्रशासनाच्या वतीने पिण्याच्या पाण्याचे टँकर, आरोग्य सेवा, पोलीस बंदोबस्ताची व्यवस्था करण्यात येणार आहे. या पालखी सोहळ्यात परिसरातील भाविकांची गर्दी असते.
श्रीक्षेत्र आपेगाव ते श्रीक्षेत्र पंढरपूर दिंडी मार्ग व (मुक्कामी ठिकाणे) मंगळवार दि. १७ जून २०२५ रोजी माऊली मंदिरातून प्रस्थान, माता पिता मुक्तमुदी मंदिरात मुक्काम (श्रीक्षेत्र आपेगाव), बुधवार दि. १८ जून रोजी माता, पिता मंदिरातून प्रस्थान, कुरणपिंत्री, बरड बोरगाव (बोरगाव मुक्कामी), गुरुवार दि.१९ जून रोजी हदगाव मार्गे बोधेगाव (बोधेगाव मुक्कामी), शुक्रवार दि.२० जून रोजी हरिहरेश्वर वस्ती, लाड जळगाव, शेकटा, पारगाव (दराडे वस्ती मुक्कामी),
शनिवार २१ जून रोजी मातोरी (बोरगाव संस्था चकला मुक्कामी), रविवार दि.२२ जून रोजी राख बस्ती, देवकर वस्ती, शेळके बस्ती, हनुमान वस्ती (आर्वी मुक्कामी), सोमवार दि. २३ जून रोजी पाडळी (नागरेची वाडी मुक्कामी), मंगळवार दि. २४ जून रोजी सांगळ्याची वाडी, डिसलेवाडी, वंजारवाडी, डोकेवाडी, (नाळवंडी मुक्कामी), बुधवार २५ जून रोजी डोंगरकिनी, मळेकर वस्ती (पाटोदा मुक्कामी), गुरुवार २६ जून रोजी बिनवडे वस्ती, नफरवाडी (पारगाव घुमरे मुक्कामी), शुक्रवार दि. २७जून रोजी अनपट वाडी, डोंगर पायथा, (जायभायेवाडी, मुक्कामी)
शनिवार दि. २८ जून रोजी दत्त वस्ती, गोवळ वाडी, खर्डा (खर्डा मुक्कामी), रविवार दि.२९ जून रोजी अंतरवाली, जेजला (आंबी मुक्कामी), सोमवार दि. ३० जून कुकडगाव, मलकापूर, रेवढे मला (कंडारी मुक्कामी), मंगळवार दि.१ जुलै रोजी मोरे वस्ती, पिंपरखेडा, पाटील वाडा, (परांडा मुक्कामी),बुधवार दि.२ जुलै रोजी आ वार पिंप्री, लुंगसे वस्ती (भाकचंद धोका मुक्कामी), गुरुवार दि. ३ जुलै रोजी कुडुवाडी, ढोरे वस्ती, आरण (आरण मुक्कामी), शुक्रवार ४ जुलै रोजी मोरे वस्ती, महाडिक मळा, समर्थ वस्ती (मेंढापुर मुक्कामी), शनिवार दि.५ जुलै रोजी राजमाता अहिल्यादेवी होळकर बारव, गणपती मंदिर (पंढरपूर मुक्कामी) राहणार आहे.
पहिले रिंगण : शनिवार दि. २१ जून रोजी दुपारी २ वाजता बोरगाव संस्था चकलादुसरे रिंगण: शुक्रवार दि. २७ जून रोजी दुपारी ०३ वाजता डोंगर पायथातिसरे रिंगण : शनिवार ०५ जुलै रोजी दुपारी ०१:३० वाजता गणपती मंदिर पंढरपूर येथे होणार आहे.