BJP will reach the pinnacle of success due to national service: Chavan
छत्रपती संभाजीनगर, पुढारी वृत्तसेवा : राष्ट्रसेवा, जनसेवेचे व्रत घेतलेले कार्यकर्तेच पक्ष-संघटनांची खरी ऊर्जा आहेत. त्यांच्या परिश्रमामुळेच भाजप अगामी काळात यशाच्या उंच शिखरावर पोहोचेल, असा ठाम विश्वास भाजपचे प्रदेशाध्यक्ष रवींद्र चव्हाण यांनी गुरुवारी (दि.५) भाजपच्या चिकलठाणा येथील विभागीय कार्यालयात आयोजित मराठवाडास्तरीय पंडित दीनदयाळ उपाध्यय प्रशिक्षण महाअभियानात व्यक्त केला.
यावेळी भाजपाचे राष्ट्रीय सह संघटन मंत्री शिवप्रकाश, ओबीसी कल्याण मंत्री अतुल सावे, खासदार अजित गोपछडे, आमदार अनुराधा चव्हाण, माजी खासदार डॉ. भागवत कराड, प्रदेश उपाध्यक्ष संजय कौडगे, भाजपा सरचिटणीस राजेश पांडे, प्रदेश चिटणीस रेखा कुलकर्णी, प्रदेश चिटणीस वर्षा डहाळे
भाजपा अल्पसंख्याक मोर्चाचे अध्यक्ष इद्रिस मुलतानी, उपाध्यक्ष चैतन्यबापू देशमुख, मनोज पांगरकर, भाजपा अनुसूचित जाती मोर्चाचे अध्यक्ष विश्वजीत गायकवाड यांची उपस्थित होती. भाजपा परिवाराच्या वतीने देशभरात पंडित दीनदयाळ उपाध्याय प्रशिक्षण महाअभियान राबवण्यात येत आहे.
यात विभागातील आठही जिल्ह्यांतील शहर आणि ग्रामीणचे प्रमुख पदाधिकारी उपस्थित होते. यात सुमारे साडेतीनशेहून अधिक पदाधिकारी या कार्यशाळेस उपस्थित राहिले.