A young man riding a moped was killed after being crushed under the wheels of a container truck.
छत्रपती संभाजीनगर, पुढारी वृत्तसेवा :
कामावर निघालेल्या एका मोपेडस्वार तरुणाला भरधाव कंटेनरने चिरडले. ही घटना रविवारी (दि.८) सकाळी साडेदहाच्या सुमारास चिकलठाणा आठवडी रस्त्यावर घडली. शहेबाज कामरोद्दीन बागवान (३१, रा. अजीज कॉलनी, नारेगाव) असे मृताचे नाव आहे.
शहेबाज बागवान बाजार परिसरातील मुख्य पोलिसांनी दिलेल्या माहितीनुसार, शहबाज हा जुन्या वाहनांच्या खरेदी-विक्री दुकानात फायनान्सशी संबंधित काम करायचा. नेहमीप्रमाणे रविवारी सकाळी साडेदहाच्या सुमारास तो घरून कामावर जाण्यासाठी मोपेडवरून निघाला होता.
चिकलठाणा आठवडी बाजार परिसरात आला असता, मोपेडचा तोल जाऊन तो पडल्याने मागून आलेल्या भरधाव कंटेनरच्या चाकाखाली चिरडल्या गेला. गंभीर जखमी शहेबाज यांना नागरिकांनी तातडीने जिल्हा सामान्य रुग्णालयात (मिनी घाटी) दाखल केले.
मात्र डॉक्टरांनी तपासून मृत घोषित केले. शहवाज हे विवाहित होते. त्याच्या पश्चात पत्नी, मुले, भाऊ असा परिवार आहे. या अपघाताची नोंद एमआयडीसी सिडको पोलिस ठाण्यात करण्यात आली आहे. दरम्यान, हा अपघात सीसीटीव्हीमध्ये कैद झाला असून त्यावरून कंटेनरचा पोलिस शोध घेत आहेत. पुढील तपास अंमलदार कोतवाल करत आहेत.