धारूर : मोहखेड येथे नाल्याला आलेल्या पुरातून आई सोबत घराकडे जात असता मुलाचा वाहून गेल्याने मुलाचा मृत्यू झाल्याची घटना मंगळवारी दुपारी ४:३० वाजण्याच्या सुमारास घडली. राम प्रकाश गवळी वय २ वर्षे असे मयत मुलाचे नाव आहे .
मोहखेड शिवारात मंगळवारी दुपारी साडेतीन वाजता ढगफुटी चा पाऊस झाला होता. पाऊस संपल्यानंतर साडेचार वाजण्याच्या सुमारास शेतात शेळ्यांना चार देण्यासाठी गेलेले आई राधाबाई, दोन मुली एक मुलगा राम असे आई सोबत गावाकडे येत होते .यावेळी नाल्याच्या पुरातून दोन मुलीला दुसऱ्या बाजूला सोडण्यासाठी आई गेली होती .दरम्यान दोन वर्षाच्या मुलास नाल्याच्या बाजूला उभा करण्यात आले होते.
मुलींना नाल्यातून सोडत असताना पाण्याचा प्रवाह वेगवान असल्यामुळे दोन मुली हातातून निसटून काही अंतरावर वाहून गेल्या. त्यानंतर परिसरातील नागरिकांनी धावपळ करून त्यांना वाचवले. दरम्यान उभा असलेला मुलगा पाण्यात गेल्याने तोही वाहून गेला. त्याला नागरिकांनी शोधले परंतु त्याचा मृत्यू झाला होता .त्यास मोहखेड येथील प्राथमिक आरोग्य उपकेंद्रात उपचारासाठी नेण्यात आले होते.