राशिवडे : परिते ( ता. करवीर ) येथील देवर्डेकरखडी नावाच्या शेताजवळ ट्रक आणी मोटरसायकलच्या अपघातात प्रगतशिल शेतकरी विजय शंकर कांजर (वय ४५, रा. निगवे खालसा) या युवकाचा जागीच मृत्यू झाला. या अपघाताची नोंद करवीर पोलीस ठाण्यात झाली आहे.
याबाबत मिळालेली माहिती अशी की, विजय कांजर आपल्या निगवे गावाकडून भोगावतीकडे येत होते. दरम्यान महालक्ष्मी पशुखाद्य वाहतुक करणारा ट्रक (MH11 M5761) हा म्हाळुंगे दिशेने जात होता. परिते येथील देवर्डेकरखडी नावाच्या शेताजवळ या दोन वाहनाची समोरासमोर जोरात धडक झाली.
मोपेडमध्ये कांजर यांचा पाय तुटून अडकून राहिला तर मृतदेह दहा ते बारा फुट अंतरावर पडला होता. यामध्ये कांजर यांचा जागीच मृत्यू झाला. त्यांच्या पश्चात पत्नी, मुलगा, मुलगी असा परिवार आहे.