Gas Booking Delay Kolhapur
शिरढोण : शिरढोण (ता. शिरोळ) येथे घरगुती गॅस सिलेंडरची टंचाई दिवसेंदिवस वाढत असून नागरिकांमध्ये तीव्र नाराजीचे वातावरण निर्माण झाले आहे. सिलेंडरचे बुकिंग करूनही ४५ दिवसांहून अधिक कालावधी उलटून जात असताना गॅस मिळत नसल्याने ग्राहकांना मोठा मनस्ताप सहन करावा लागत आहे. सध्या सुमारे ७०० ते ८०० ग्राहक प्रतीक्षेत असल्यामुळे परिस्थिती अधिकच गंभीर बनली आहे.
मागणीच्या तुलनेत गॅसचा पुरवठा अपुरा होत असल्याचे स्थानिक एजन्सीकडून सांगितले जात आहे. मात्र प्रशासनाकडून पुरवठा सुरळीत असल्याचा दावा केला जात असल्याने नागरिकांमध्ये असंतोष वाढला आहे. प्रत्यक्ष स्थिती आणि प्रशासनाच्या दाव्यांमध्ये तफावत असल्याचा आरोप ग्राहकांकडून केला जात आहे.
गॅसअभावी अनेक कुटुंबांना पुन्हा चुलीवर स्वयंपाक करण्याची वेळ आली आहे. विशेषतः महिलांना याचा अधिक त्रास सहन करावा लागत असून दैनंदिन जीवनावर त्याचा परिणाम होत आहे. दरम्यान, तातडीने गॅस पुरवठा सुरळीत करावा, अन्यथा तीव्र आंदोलन उभारण्याचा इशारा संतप्त ग्राहकांनी दिला आहे.
सिलेंडर बुकिंग करूनही ४५ दिवसांनंतरही गॅस मिळत नसल्याने नागरिक त्रस्त आहेत. त्यातच पुढील १५ दिवस उलटूनही पुरवठा होत नसल्याने समस्या अधिकच गंभीर झाली आहे. सध्या ७०० ते ८०० ग्राहक प्रतीक्षेत असल्याने टंचाई स्पष्ट दिसून येते. या परिस्थितीमुळे अनेक कुटुंबांना चुलीवर स्वयंपाक करावा लागत असून महिलांना विशेष अडचणींचा सामना करावा लागत आहे. परिस्थिती लवकर सुधारली नाही, तर आंदोलन छेडण्याचा इशारा नागरिकांनी दिला आहे.