कुडाळ : नवनिर्वाचित पदाधिकारी निवड प्रसंगी उपस्थित आ. नीलेश राणे. सोबत उपस्थित संजय आंग्रे, संजय पडते, दीपलक्ष्मी पडते, दादा साईल, दीपक नारकर व अन्य.  (Pudhari File Photo)
सिंधुदुर्ग

Sindhudurg Politics | मित्र पक्षाला त्रास होणार नाही याची दक्षता घ्या!

आ. नीलेश राणे : शिवसेनेच्या कुडाळ-मालवणमधील पदाधिकार्‍यांच्या निवडी जाहीर

पुढारी वृत्तसेवा

कुडाळ : कुडाळ व मालवण तालुक्यातील शिवसेना पक्षाच्या पदाधिकार्‍यांची नियुक्ती आ. नीलेश राणे यांच्या उपस्थितीत जिल्हाप्रमुख दत्ता सामंत यांनी जाहीर केल्या. नवनियुक्त पदाधिकार्‍यांनी आपले काम पक्ष हितासाठी करावे, आपला पक्ष वाढला पाहिजे; मात्र आपल्या मित्र पक्षाला त्रास होईल असे कोणतेही वर्तन करू नका, अशा सूचना आ. नीलेश राणे यांनी कार्यकर्त्यांना केल्या.

कुडाळ तालुक्यातील शिवसेनेच्या नवनियुक्त पदाधिकार्‍यांना नियुक्ती देण्यासाठी कुडाळ एमआयडीसी येथे बैठकीचे आयोजन केले होते. जिल्हाप्रमुख दत्ता सामंत, उपनेते संजय आंग्रे, महिला जिल्हाध्यक्ष दीपलक्ष्मी पडते, संजय पडते, जिल्हा सरचिटणीस दादा साईल, उपजिल्हाप्रमुख अरविंद करलकर, माजी महिला जिल्हाप्रमुख वर्षा कुडाळकर, कुडाळ प्रमुख विनायक राणे, ओरोस प्रमुख दीपक नारकर आदी पदाधिकारी उपस्थित होते.

आ. राणे म्हणाले, या नियुक्त्या पक्ष वाढीसाठी केल्या जात आहेत. आपल्या पक्षाची ध्येय धोरणे आणि करत असलेले काम लोकांपर्यंत घेऊन जाण्याची तुमची जबाबदारी आहे, तसेच मित्र पक्षांना कोणत्याही प्रकारचा त्रास होणार नाही याची सुद्धा काळजी घ्यायची आहे..

या वेळी पदाधिकार्‍यांची नियुक्ती जाहीर करण्यात आल्या. यामध्ये उपतालुका प्रमुख हेमंत ऊर्फ राजन भगत, मिलिंद नाईक, दिनेश वारंग, वेताळ बांबर्डे विभागप्रमुख नागेश आईर, उपविभाग प्रमुख नीलेश बांबर्डेकर, पिंगुळी विभागप्रमुख दिलीप निचम, साळगाव उपविभाग प्रमुख मंगेश चव्हाण, पावशी विभागप्रमुख नागेश परब, उपविभाग प्रमुख सुरेश तानावडे, डिगस उपविभाग प्रमुख गजानन कुलकर्णी, माणगांव उपविभाग प्रमुख अविनाश राणे, माणगाव विभागप्रमुख सचिन धुरी, झाराप उपविभागप्रमुख प्रवीण रेडकर, घावनळे विभागप्रमुख दिनेश शिंदे, घावनळे उपविभागप्रमुख जयराम सुद्रीक, गोठोसउपविभाग प्रमुख सूरज कदम, कुडाळ तालुका संघटन प्रमुख विठ्ठल जानु शिंदे, माणगांव शहर प्रमुख दत्ता कोरगांवकर, उपतालुकाप्रमुख देवेंद्र नाईक, सत्यवान हरमलकर, अरविंद परब, ओरोस विभाग प्रमुख परशुराम परब, ओरोस उपविभाग प्रमुख प्रकाश देसाई, कसाल विभाग प्रमुख बापू पाताडे, नेरुर विभाग प्रमुख भास्कर नाईक, वालावल उपविभाग प्रमुख मनीष वाडयेकर, नेरुर उपविभाग प्रमुख सचिन नेरुरकर, आंब्रड विभाग प्रमुख विठ्ठल तेली, आंब्रड उपविभाग प्रमुख प्रशांत तावडे, घोटगे उपविभाग प्रमुख सचिन तेली, तेंडोली विभाग प्रमुख सचिन गावडे, तेंडोली उपविभाग प्रमुख रामचंद्र राऊळ, पाट उपविभाग प्रमुख सदगुरु माधव, चंद्रकांत राणे, पुंडलिक जोशी, बाळा गुरव, गुणवंत सावंत, महिला सेना पदाधिकार्‍यांमध्ये उपजिल्हाप्रमुख नीलम शिंदे, जिल्हा संघटक अंजना सामंत, जिल्हा कार्यकारणी सदस्य रचना नेरुरकर, जिल्हा सचिव आशा वळप्पी, जिल्हा सहसचिव कविता मोंडकर, कुडाळ तालुका प्रमुख वैशाली पावसकर, उपतालुकाप्रमुख वैष्णवी शिंदे, संगीता खांडेकर, तालुका सचिव नूतन आईर, रेवती राणे, कुडाळ शहर प्रमुख श्रुती वर्दम, तालुका समन्वयक अनघा रांगणेकर, दीक्षा सावंत, कार्यकारणी सदस्य अनुप्रीती खोचरे, विभाग प्रमुखमध्ये आंब्रड चैताली ढवळ, ओरोस सीतांजली तळवडेकर, वेताळ बांबर्डे शुभांगी चव्हाण, तेंडोली योगेश्वरी कोरगावकर, पावशी मृणाल परब, घावनळे साक्षी लाड, माणगाव दीक्षा आकेरकर विभागीय सदस्य नाजुका धुरी यांची निवड करण्यात आली.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.

SCROLL FOR NEXT