राजापूर : अनुस्कुरा घाटात कोसळलेल्या दरडीमध्ये कोसळलेले मोठ-मोठे दगड रस्त्यावर ब्लास्टिंगद्वारे दगड फोडण्याचे काम सुरू आहे. यामुळे घाटातील वाहतूक सुरळीत सुरू करण्यासाठी बांधकाम विभागाला अनेक अडचणींचा सामना करावा लागत आहे. त्यामुळे जवळपास तीन दिवस लोटले तरी अनुस्कुरा घाटातील वाहतूक सुरळीत सुरु झाली नव्हती. दरम्यान घाटातून एकेरी वाहतूक सुरू करताना काही वाहने सोडण्यात आली. तथापि, ब्लास्टिंगच्या कामामुळे नंतर वाहतूक थांबवण्यात आली होती. यामुळे रात्री उशिरापर्यंत घाटातील वाहतूक पूर्ववत होईल अशी शक्यता वर्तवण्यात आली.
शनिवारी (दि.24) पहाटे अनुस्कुरा घाटात दरड कोसळली आणि घाट मार्ग बंद पडला होता. त्यानंतर सार्वजनिक बांधकाम विभागाच्या वतीने घाटातील कोसळलेली दरड हटविण्याचे काम सुरु होते. मागील दोन दिवस सार्वजनिक बांधकाम विभागाच्या वतीने कोसळलेल्या दरडी मधून रस्त्यावर येऊन पडलेल्या मोठमोठे दगड ब्लास्टिंग करून फोडण्याचे काम आहे. त्यामुळे गेले तीन दिवस अनुस्कुरा घाटातील वाहतूक पूर्णपणे बंद होती. सदर वाहतूक पर्यायी मार्ग वळविण्यात आली आहे. सोमवारी दुपारनंतर अनुस्कुरा घाटातून एकेरी वाहतूक सुरू करताना काही वाहने घाटातून सोडण्यात आली. मात्र ब्लास्टिंग चे काम पूर्ण झाले नसल्याने नंतर वाहतूक बंद करण्यात आली. मात्र रात्री अनुस्कुरा घाट मार्गे वाहतूक पूर्ववत होईल अशी शक्यता वर्तविली जात होती.