Ganesh idol installation Ratnagiri district
रत्नागिरी : वर्षभर ज्याच्या आगमनाची उत्सुकता असते, त्या बाप्पाचे बुधवारी (दि. 27) सर्वत्र आगमन होणार आहे. गणपती ही बुद्धीची देवता, विघ्नहर्ता, सुखकर्ता, 14 विद्या आणि 64 कलेंचा तो अधिपती आहे. या वर्षी जिल्ह्यात गणेश चतुर्थीला घरगुती 1 लाख 69 हजार 426 गणपतीमूर्तींची, तर सार्वजनिक 126 गणपती मूर्तींची प्रतिष्ठापना करण्यात येणार आहे.
गतवर्षी 2024 पेक्षा यावर्षी घरगुती गणपतींमध्ये 4 ने वाढ झाली आहे. तर सार्वजनिक गणपतींमध्ये तब्बल 2 हजार 559 गणेशमुर्तीची वाढ झाली आहे. या वर्षीच्या आकडेवारीनुसार जिल्ह्यातील पोलिस ठाणेनिहाय रत्नागिरी शहर 7913 घरगुती तर सार्वजनिक 27, रत्नागिरी ग्रामीण 13065 घरगुती तर सार्वजनिक 0, जयगड घरगुती 3450 तर घरगुती 5, संगमेश्वर 13544 घरगुती तर सार्वजनिक 2, राजापूर 20092 घरगुती तर
सार्वजनिक 7, नाटे 7078 घरगुती तर सार्वजनिक 4, लांजा 16131 घरगुती तर सार्वजनिक 6, देवरूख 12493 घरगुती तर सार्वजनिक 7, सावर्डे 12022 घरगुती तर सार्वजनिक 1, चिपळूण 16725 घरगुती तर सार्वजनिक 16,
गुहागर 14460 तर सार्वजनिक 2, अलोरे 4561 घरगुती तर सार्वजनिक 4, खेड 12700 घरगुती तर सार्वजनिक 21, दापोलि 6335 घरगुती तर सार्वजनिक 9, मंडणगड 2955 घरगुती तर सार्वजनिक 10, बाणकोट 682 घरगुती तर सार्वजनिक 2, पूर्णगड 3721 घरगुती तर सार्वजनिक 1 आणि दाभोळ 1499 घरगुती तर सार्वजनिक 1 अशा घरगुती आणि सार्वजनिक मिळून एकूण 1 लाख 69 हजार 426 गणेशमूर्तीची प्रतिष्ठापना होणार आहे.
भाद्रपद शुद्ध चतुर्थीला गणपती बाप्पाच्या मूर्तीची पूजा करण्याची प्राचीन परंपरा आपल्याकडे आहे. महाराष्ट्रात गणेशोत्सवाला अनन्य साधारण महत्त्व आहे. देशभरासह अन्य देशांतही मोठ्या प्रमाणात गणेशोत्सव साजरा केला जातो. यंदाचा गणेशोत्सव दि. 27 ऑगस्टला सुरू होऊन, 6 सप्टेंबर अनंत चतुर्दशीला संपणार आहे.