नगर : पुढारी वृत्तसेवा
अनेक दिवसांपासून लक्ष लागलेल्या अहमदनगर जिल्हा शिक्षक बँकेच्या निवडणुकीचा बिगुल अखेर आज वाजला. बँकेसाठी 13 जूनपासून उमेदवारी अर्ज दाखल करण्यास सुरुवात होणार असून, 17 जुलै रोजी मतदान घेण्यात येणार आहे.
शिक्षक बँकेत सध्या गुरुमाऊली मंडळाचे नेते बापूसाहेब तांबे यांची सत्ता आहे. आता आगामी निवडणुकीसाठी सर्वच शिक्षक संघटना तयारीला लागल्या आहेत. बँकेच्या 21 जागांसाठी ही निवडणूक होऊ घातली आहे.
13 ते 17 जून दरम्यान उमेदवारी अर्ज स्वीकारले जातील, 20 जून रोजी छाननी, 21 ते 5 जुलै रोजी माघार, 6 जुलै रोजी चिन्ह वाटप, 17 जुलै रोजी सकाळी 8 ते 4 या वेळेत मतदान आणि दुसऱ्या दिवशी 18 जुले रोजी सकाळी 9 वाजेपासून मतमोजणी सुरू होणार आहे. निवडणूक निर्णय अधिकारी म्हणून जिल्हा उपनिबंधक गणेश पुरी हे काम पाहणार आहेत.