पुढारी ऑनलाईन डेस्क : रशियातील बंडखोर वॅगनर खासगी लष्कर समूहाचे प्रमुख येवगिनी प्रिगोझीन ( Yevgeny Prigozhin ) यांनी बेलारुसमध्ये आश्रय घेतला आहे, अशी माहिती खुद्द बेलारुसचे अध्यक्ष अलेक्झांडर लुकाशेन्को यांनी दिली. त्यांनी दिलेल्या माहितीमुळे प्रिगोझीन यांनी नेमका कोठे आश्रय घेतला या चर्चेवर पडदा पडला आहे. तसेच रशियन फेडरल सिक्युरिटी सर्व्हिसने स्पष्ट केले आहे की, रशियाविरोधात बंड करणार्यांविरोधात तपास केला जाणार नाही.
Yevgeny Prigozhin : वॅगनर ग्रुप आपली सर्व शस्त्रे मंत्रालयाकडे परत करणार
पुतिन यांनी सोमवारी रशियाविरोधातील बंडावेळी मृत्युमुखी पडलेल्या वैमानिकांना श्रद्धांजली वाहिली. बंडानंतर आपल्या पहिल्या भाषणात पुतिन म्हणाले होते की, देशाच्या या शूर वैमानिकांनी आपल्या प्राणाची आहुती देवून रशियाला मोठ्या संकटातून वाचवले. वैमानिकांना पुतिन यांनी दिलेली श्रद्धांजली या वृत्तांची पुष्टी करते की, प्रीगोझिनच्या वॅगनर मिलिशियाने रोस्तोव-ऑन-डॉन शहराच्या ताब्यात असताना अनेक विमाने खाली पाडली.
पुतिन यांनी मंगळवारी क्रेमलिनच्या कॅथेड्रल स्क्वेअरमध्ये सैनिकांना भेट घेतली. सैनिक आणि सुरक्षा सेवेतील कर्मचाऱ्यांना संबोधित करताना त्यांनी मॉस्कोमध्ये गृहयुद्धाची परिस्थिती टाळल्याबद्दल त्यांचे आभार मानले.
रशियातील बंडखोर वॅगनर खासगी लष्कर समूहाचे प्रमुख येवगिनी प्रिगोझीन यांनी रोस्तोव्ह शहरानंतर मॉस्कोपासून सुमारे 500 कि.मी.वरील वोरोनेझ शहरातील अण्वस्त्रसाठाही ताब्यात घेतला होता. त्यामुळेच रशियन सरकारी सैन्य बचावात्मक पवित्र्यात आले आणि राष्ट्राध्यक्ष व्लादिमीर पुतीन यांना सहमती द्यावी लागली. नंतर पुतीन यांच्या सांगण्यावरूनच बेलारूसचे अध्यक्ष अलेक्झांडर लुकाशेन्को यांनी प्रिगोझीन यांना वाटाघाटीस तयार केले, असे वृत्त आता समोर आले आहे.
स्वत:च्या सुरक्षिततेची हमीसाठी अण्वस्त्रसाठ्याचा वापर
हेही वाचा :