पुढारी ऑनलाईन : ब्रिटनमधील एका ट्रान्सजेंडर पुरुषाने गोंडस मुलीला जन्म दिला आहे. 27 वर्षीय कॅलेब बोल्डनने गेल्या वर्षी जानेवारीमध्ये जेव्हा बाळाला जन्म देण्याचा निर्णय घेतला. तेव्हा यासाठी त्याने लिंग-संक्रमण करणारी औषधे घेणे बंद केले होते. त्यानंतर कॅलेब बोल्डनने एका गोंडस मुलीला जन्म दिला आहे. याबाबतचे वृत्त 'इंडिया टुडे'ने दिले आहे.
कॅलेब आणि त्याचा जोडीदार नियाम्ह बोल्डेन यांना स्वत:चे मुल पाहिजे होते. त्यामुळे नियाम्ह याने स्पर्म डोनरच्या मदतीने मूल होण्यासाठी प्रयत्न सुरू केले पण नियाम्हचा तीनवेळा गर्भपात झाला. त्यामुळे कॅलेब बोल्डनने स्वत: लिंग-संक्रमण करणारी औषधे घेणे बंद करत, बाळाला जन्म देण्याचे ठरवले. यानंतर त्याला लोकांच्या टीकेला देखील सामोरे जावे सागले. परंतु लोकांना न जुमानता कॅलेब याने वडील बनण्याची इच्छा दर्शवली.
समाजातील टीकेला न जुमानता 27 वर्षीय कॅलेब बोल्डनने आपल्या साथीदाराच्या खंबीर साथीने एका गोंडस मुलीला जन्मदेखील दिला आहे. यानंतर त्याने दुसऱ्या मुलाला जन्म देण्याची योजना आखणार असल्याचेदेखील कॅलेब याने स्पष्ट केले आहे.