अयोध्या; पुढारी वृत्तसेवा : येथील राम मंदिराची सुरक्षा अधिक बळकट केली जाणार आहे. प्रवेशद्वारासह परिसरात चेहरेपट्टीत तरबेज असलेले तंत्रज्ञान वापरले जाईल. टेहळणीसाठी संपूर्ण मंदिरात 800 कॅमेरे बसवण्यात येणार आहेत. अहोरात्र ते काम करतील. आकाशातूनही 24 तास ड्रोनद्वारे नजर ठेवण्यात येईल. मंदिराच्या सुरक्षेतील आर्टिफिशियल इंटेलिजन्सच्या चपखल वापरासाठी 77 कोटी रुपयांची तरतूद करण्यात आली आहे. 1992 नंतर राम जन्मभूमी परिसरातील सुरक्षेसाठी तैनात सुरक्षा दल नव्या सुरक्षा व्यवस्थेनंतरही कायम राहील. (Ayodhya Ram Mandir)
सुरक्षेची जबाबदारी पोलिस पार पाडतच आहेत; पण कट्टरवाद्यांकडून दिल्या जाणार्‍या सततच्या धमक्या पाहता ट्रस्टनेही मंदिरासह भाविकांसाठी उत्तम, अद्ययावत सुरक्षा पुरवण्याची जबाबदारी घेतली आहे. ट्रस्टने स्वत:चा एक सुरक्षा सल्लागारही नियुक्त केला असून तो ट्रस्ट व पोलिस दलात समन्वयकाचे कामही करेल.
– डॉ. अनिल मिश्रा, विश्वस्त, श्रीराम जन्मभूमी तीर्थक्षेत्र ट्रस्टमंदिर पूर्ण झाले की, गर्दी चार ते पाचपट वाढेल, हे गृहित धरून आम्ही त्या द़ृष्टीने आतापासून कामाला लागलेलो आहोत. स्वयंचलित शॉटगन, बुलेटप्रूफ जॅकेट, टेहळणी उपकरणे आणि शरयू नदीत तैनात करण्यात येणार्‍या चिलखती बोटी हे सारे खरेदी करण्याचे सध्या चाललेले आहे.
– आर. के. विश्वकर्मा, पोलिस महासंचालक, उत्तर प्रदेश
अधिक वाचा :