पुढारी ऑनलाईन डेस्क : आसाम रायफल्समध्ये (Assam Rifles Recruitment 2022) तब्बल १ हजार ४०० हून अधिक पदांवर भरती होणार आहे. महासंचालक कार्यालयाकडून आसाम रायफल्स, शिलाँगने आसाम रायफल्सने टेक्निकल आणि ट्रेड्समॅन भरती २०२२ साठी अर्ज मागवण्यात आले आहेत. (Assam Rifles Recruitment 2022)
आसाम रायफल्स टेक्निकल आणि ट्रेडसमन ग्रुप बी आणि सी मध्ये भरतीसाठी मेळावा १ सप्टेंबर २०२२ पासून तात्पुरता आयोजित केला जाणार आहे. स्पोर्ट्स कोट्याअंतर्गत रायफलमॅन/रायफलवुमन (जनरल ड्युटी) साठी १३८० रिक्त पदांवर आणि १०४ रिक्त पदांवर भरती केली जाईल. या भरती प्रक्रियेद्वारे एकूण १४८४ रिक्त पदांची भरती केली जाईल.
सामान्य आणि ओबीसी उमेदवारांचे वय १८ ते २८ वर्षांच्या दरम्यान असावे, तर SC आणि ST उमेदवारांचे वय १८ ते ३३ वर्षांच्या दरम्यान असावे.
सर्वसाधारण आणि ओबीसी प्रवर्गातील उमेदवारांसाठी १०० रुपये अर्ज शुल्क आहे. तर आरक्षित प्रवर्गातील उमेदवारांसाठी कोणतेही अर्ज शुल्क नाही.
उमेदवारांची निवड डॉक्युमेंट व्हेरिफिकेशन, फिजिकल स्टँडर्ड टेस्ट (PST) आणि मेरिट लिस्टच्या आधारे केलं जाईल.
अधिक माहितीसाठी आणि ऑनलाइन अर्ज जमा करण्यासाठी उमेदवारांना आसाम रायफल्सच्या www.assamrifles.gov.in च्या अधिकृत वेबसाईटला भेट देण्याचा सल्ला दिला जातो.
या भरतीशी संबंधित कोणत्याही प्रश्नासाठी किंवा समाधानासाठी हेल्पलाइन क्रमांक ०३६४-२५८५११८, ०३६४-२५८५११९ किंवा ८२५८९२३००३ वर कामकाजाच्या वेळेत सकाळी ९ ते संध्याकाळी ५ या वेळेत संपर्क साधता येईल.