पुढारी ऑनलाईन डेस्‍क : पाकिस्तानचे माजी पंतप्रधान इम्रान खान यांना अटक करण्‍यासाठी आज ( दि. १४ ) पुन्‍हा एकदा इस्लामाबाद पोलिसांनी त्‍यांच्‍या निवासस्‍थानी धडक दिली आहे. इस्लामाबाद जिल्हा आणि सत्र न्यायालयाने तोशाखाना प्रकरणातील सुनावणी सतत टाळल्यामुळे इम्रान खान यांच्या विरोधात अटक वॉरंट जारी केल्याच्या एका दिवसानंतर आज कमलाीच्‍या वेगाने घडामोडी घडल्‍या. १८ मार्चपर्यंत न्यायालयात हजर करण्याचे आदेशही न्यायालयाने पोलिसांना दिले होते.दरम्‍यान, अटकेच्‍या कारवाईला विरोध करण्‍यासाठी तेहरीक-ए-इन्साफचे( पीटीआय ) कार्यकर्ते रस्‍त्‍यावर उतरले. यावेवेळी समर्थक पोलिसांवर दगडफेक केली तर पोलिस आणि पीटीआय समर्थकांमध्ये हाणामारीही झाली, असे वृत्त पाकिस्‍तानमधील 'डॉन' वृत्तपत्राने दिले आहे.
पोलिस आणि पीटीआय समर्थकांमध्ये हाणामारी
इस्लामाबाद पोलिसांनी मंगळवारी ( दि. १४ ) इम्रान खान यांच्या जमान पार्क निवासस्थानाबाहेर जमलेल्या पीटीआय कार्यकर्त्यांना पांगवण्यासाठी पाण्याचा तोफ आणि अश्रूधुराच्‍या कांड्या फोडल्‍या. समर्थकांना पाण्याच्या फवार्‍याने पांगवत होते. यावेवेळी समर्थक पोलिसांवर दगडफेक केली तर पोलिस आणि पीटीआय समर्थकांमध्ये हाणामारीही झाली, असे वृत्त पाकिस्‍तानमधील डॉन वृत्तपत्राने दिले आहे.
२०१८ मध्‍ये पाकिस्‍तानमध्‍ये इम्रान खान यांचे सरकार सत्तेवर आले. या काळात त्‍यांना अरब शासकांकडून अनेक महागड्या भेटवस्तू मिळाल्या. भेटवस्तूंमध्ये एक महागडी मनगटी घड्याळ, कफलिंकची एक जोडी, एक महागडा पेन, एक अंगठी आणि चार रोलेक्स घड्याळांचा समावेश होता. त्या तोशाखान्यात (देशातील गोदाम) जमा करण्यात आल्या. नंतर त्यांनी सवलतीच्या दरामध्‍ये त्या वस्‍तू विकत घेतल्‍या आणि मोठ्या नफ्यात त्‍याची विक्री करण्यात आली, असा आरोप विरोधी पक्षांनी इम्रान खान यांच्‍यावर केला होता. या प्रकरणाच्‍या सुनावणीवेळी इम्रान यांनी सांगितले होते की, २१,५६ कोटी रुपये भरल्यानंतर राज्याच्या तिजोरीतून खरेदी केलेल्या भेटवस्तूंच्या विक्रीतून सुमारे ५८ लाख रुपये मिळाले होते. यामध्‍ये कोणताही गैरव्‍यवहार झाला नसल्‍याचा दावाही त्यांनी केला होता. या प्रकरणी २८ फेब्रुवारी रोजी सत्र न्यायालयाच्या न्यायाधीशांनी अजामीनपात्र अटक वॉरंट जारी केले होते.
सत्ताधारी आघाडी सरकारच्या खासदारांनी ऑगस्टमध्ये इम्रान यांच्याविरोधात पाकिस्तानच्या निवडणूक आयोगाकडे (ECP) तक्रार केली होती. तोशाखाना (देशातील गोदाम) कडून अनुदानित किंमतीवर खरेदी केलेल्या भेटवस्तूंच्या विक्रीतून मिळालेल्या रकमेचा खुलासा न केल्यामुळे इम्रानला अपात्र ठरवण्याची मागणी या तक्रारीत करण्यात आली होती.
निवडणूक आयोगाने तोशाखाना प्रकरणात खोटी विधाने केल्याबद्दल पाकिस्तान तहरीक-ए-इन्साफ (पीटीआय) पक्षाचे प्रमुख इम्रान खान यांनी संसदेच्या सदस्यत्वापासून अपात्र ठरवले आहे. पाकिस्तानी कायद्यानुसार, परदेशातील मान्यवरांकडून मिळालेली कोणतीही भेटवस्तू स्टेट डिपॉझिटरी किंवा तोशाखान्यात ठेवली पाहिजे. जर राज्याच्या प्रमुखाला भेटवस्तू ठेवायची असेल तर त्याला त्याच्या किंमतीइतकी रक्कम द्यावी लागेल. हे लिलाव प्रक्रियेद्वारे ठरवले जाते. या भेटवस्तू एकतर तोशाखान्यात ठेवल्या जातात किंवा त्याचा लिलाव केला जाऊ शकतो आणि त्यातून मिळणारा पैसा राष्ट्रीय तिजोरीत जमा होतो.
हेही वाचा :