पुढारी ऑनलाईन डेस्क : फिलिपाईन्स येथे रविवारी मेगी चक्रीवादळामुळे (Megi Storm) आलेल्या पुरात मोठ्या प्रमाणात भूसख्खलन झाले. यामध्ये ५८ नागरिकांचा मृत्यू झाला आहे, अशी माहिती 'एएनआय'ने दिली आहे. फिलिपाईन्स या देशात वर्षाला साधारणपणे २० हून अधिक अशी वादळे धडकतात.
मेगी वादळ ताशी ६५ किलोमीटर वेगाने येऊन आग्नेय आशियाई द्विपसमुहाला धडक दिली. स्थानिक अधिकाऱ्यांच्या माहितीनुसार, लेयटे प्रांतातील बेबे शहराला आणि आसपासच्या अनेक गावांना सर्वाधिक फटका बसला. मोठ्या प्रमाणात भूस्खलन झाल्यामुळे ५० लोकांचा मृत्यू झाला. १०० हून अधिक लोक जखमी झाले असून, २६ बेपत्ता आहेत.
मेगी वादळामुळे अनेक गावांमध्ये भूसख्खन झाले. नागरिक चिखलात अडकले. १० गावांना या वादळाचा मोठा फटका बसला आहे. आठवड्याच्या शेवटी मध्य आणि दक्षिण प्रांतातील विविध भागात आलेल्या पुरामुळे सुमारे 30,000 कुटुंबांना स्‍थलांतर करावे लागले आहे, असे स्थानिक प्रशासनाने म्‍हटलं आहे. आग्नेय आशियाईतील हे राष्ट्र पॅसिफिक 'रिंग ऑफ फायर' वर वसले आहे. येथे वारंवार अनेक ज्वालामुखी उद्रेक आणि भूकंप होतात.
हे वाचलंत का?