पुढारी ऑनलाईन डेस्क : निवडणूक आयोगाकडून मंगळवारी (दि. ६) मोठा निर्णय देण्यात आला. राष्ट्रवादी पक्ष आणि चिन्ह दोन्ही अजित पवार गटाला देण्यात आले आहे. शरद पवार गटाला या निर्णयामुळे मोठा धक्का बसला. गेले काही दिवसांपासून या निर्णयाची चर्चा होती. या निर्णयाने संमिश्र प्रतिक्रिया येवू लागल्या आहेत. राष्ट्रवादीचे नेते रोहित पवारांचे एक ट्वीट सध्या खूप चर्चेत आहे. ट्वीट करत त्यांनी म्हटले आहे की, "जखमी वाघ अधिक धोकादायक असतो." (NCP vs NCP crisis) NCP vs NCP crisis : जखमी वाघ अधिक धोकादायक असतो…
गेल्या दोन वर्षात महाराष्ट्राच्या राजकारणात अनेक घडामोडी झाल्या. शिवसेनेत एकनाथ शिंदे यांच्या बंडानंतर महाराष्ट्राच्या राजकारणाचे चित्रच पालटले. या बंडानंतर शिंदे-फडणवीस अशी युती होत एकनाथ शिंदे मुख्यमंत्री आणि देवेंद्र फडणवीस उपमुख्यमंत्री झाले. वर्षभराच्या काळानंतर राष्ट्रवादी कॉंग्रेसचे नेते अजित पवार आपल्या काही समर्थकांसह शिंदे-फडणवीस सरकारमध्ये सामील झाले. शिवसेनेचा वाद निवडणूक आयोगाकडे जात शिवसेनेचे चिन्ह आणि पक्ष शिंदे गटाकडे गेले. तर दुसरीकडे अजित पवार गटाने राष्ट्रवादी पक्ष आणि चिन्हावर दावा केला. अखेर ६ महिन्यांहून अधिक काळ चालू असलेल्या १० हून अधिक सुनावणीनंतर निवडणूक आयोगाकडून मंगळवारी (दि. ६) निर्णय देण्यात आला आहे की, राष्ट्रवादी पक्ष आणि चिन्ह दोन्ही अजित पवार गटाकडे राहील.
या पार्श्वभूमीवर रोहित पवारांनी आपल्या 'X' अकाउंटवर पोस्ट करत म्हटलं आहे की, "जखमी वाघ अधिक धोकादायक असतो." त्यांनी या पोस्टसोबत उद्धव ठाकरे आणि शरद पवार यांचा फोटो शेअर केला आहे.
या कारणांवरुन अजित पवार गटाकडे पक्षासह चिन्ह
बहुसंख्य लोकप्रतिनिधींचा पाठिंबा असल्याचं अजित पवार गटाकडून निवडणूक आयोगात सांगण्यात आलं होतं. महाराष्ट्रातले ४१ आमदार आणि नागालँडमधील ७ आमदारांचा अजित पवार यांच्या गटाला पाठिंबा आहे. तसेच लोकसभेतील २ खासदारांनी अजित पवार गटाला पाठिंबा दिलेला आहे तर एका खासदाराने दोन्ही गटाला शपथपत्र दिलेलं आहे. हेच सारं लक्षात घेऊन निवडणूक आयोगाने अजित पवार यांच्या गटाला राष्ट्रवादी पक्ष आणि घड्याळ हे पक्षचिन्ह बहाल केलं आहे. त्यामुळे शरद पवार गटाला सुप्रीम कोर्टात जाण्याचा आता पर्याय असेल. शिवसेना ठाकरे गटानंतर आज शरद पवार गटालाही मोठा धक्का बसला आहे. हा निर्णय महाविकास आघाडीसाठीही धक्कादायक आहे. आगामी निवडणुकांमध्ये आता शरद पवार गटाची भुमिका काय असणार याकडे लक्ष लागून राहिले आहे.
'Pudhari' is excited to announce the relaunch of its Android and iOS apps. Stay updated with the latest news at your fingertips.
Android and iOS Download now and stay updated, anytime, anywhere.