पुढारी ऑनलाईन डेस्क : सोशल मीडियावर एखादी मजेशीर गोष्ट व्हायरल झाली की ती जोरदार फेमस होते. सोशल मीडियावर कधी आणि काय व्हायरल होईल हे सांगणे फार कठीण आहे. व्हायरल होणाऱ्या गोष्टी पुढच्याच क्षणी ट्रेंड होतात आणि जगभरात धुमाकूळ घालू लागतात. असेच काहीसे 'कच्छा बदाम' गाण्याच्या वेळी पाहायला मिळाले. गायक भुबन बड्याकर कच्छा बदाम यांचे हे गाणेही इंटरनेटवर मोठ्या प्रमाणात व्हायरल झाले. (lemon soda)
अनेकांनी या गाण्यावर डान्स आणि रीलच्या जोरावर खूप प्रसिद्धी मिळवली. हे गाणं अनेक वेळा रिपीट करून लोक अजुनही पाहतात, असाच एक अवलिया पंजाबमध्ये फेमस होताना दिसत आहे. लोक म्हणत आहेत कच्छा बदाम नंतर आता लिंबू पाणी विकणाऱ्या व्यक्तीचा व्हिडीओ व्हायरल होत आहे. 'बाकी नींबू बाद विच पाऊंगा' नावाचा एक व्हिडिओ सोशल मीडियावर व्हायरल होत आहे. या व्हिडीओतील गाण्याची चाल लोकांच्या डोक्यात हळूहळू बसू लागली आहे.
व्हायरल होत असलेल्या या व्हिडिओमध्ये एक व्यक्ती लिंबू सोडा विकताना दिसत आहे, ज्याची स्टाइल पाहून सगळेच आश्चर्यचकित झाले आहेत. व्हिडिओमध्ये एक व्यक्ती आपल्याच स्वरात गाताना लिंबू सोडा बनवताना दिसत आहे. हा व्हिडीओ सोशल मीडियावर खूप बघितला जात आहे आणि लाइक केला जात आहे. हा व्हिडिओ आतापर्यंत सात लाखांहून अधिक वेळा पाहिला गेला आहे. (lemon soda)
हा व्हिडिओ पाहून यूजर्स उत्साहाने आपल्या प्रतिक्रिया देत आहेत, लिंबूच्या भडकलेल्या किमतींमध्ये लिंबू सोड्याचे हे गाणे मोठ्या प्रमाणात व्हायरल होत आहे. काही दिवसांपूर्वी व्हायरल झालेल्या कच्छा बदाम नंतर, पेरू आणि द्राक्षे विकण्याची अनोखी शैली सोशल मीडियाच्या दुनियेत मोठ्या प्रमाणात व्हायरल झाली, त्यानंतर आता लिंबू सोड्याचा व्हिडीओ व्हायरल होत आहे.